Elimizde azamattardy alǵashqy medıtsınalyq-sanıtarııalyq kómek uıymdaryna bekitý tártibi aıqyndaldy

QazAqparat qujat mátinin taratady.

Qazaqstan Respýblıkasy Densaýlyq saqtaý jáne áleýmettik damý mınıstrliginiń buıryǵy

№281 2015 jylǵy 28 sáýir, Astana qalasy

Alǵashqy medıtsınalyq-sanıtarııalyq kómek kórsetý qaǵıdalaryn jáne Azamattardy alǵashqy medıtsınalyq-sanıtarııalyq kómek uıymdaryna bekitý qaǵıdalaryn bekitý týraly «Halyq densaýlyǵy jáne densaýlyq saqtaý júıesi týraly» Qazaqstan Respýblıkasynyń 2009 jylǵy 18 qyrkúıektegi Kodeksiniń 45-babynyń 4-1-tarmaǵyna sáıkes buıyramyn:

1. Mynalar: 1) osy buıryqqa 1-qosymshaǵa sáıkes Alǵashqy medıtsınalyq-sanıtarııalyq kómek kórsetý qaǵıdalary; 2) osy buıryqqa 2-qosymshaǵa sáıkes Azamattardy alǵashqy medıtsınalyq-sanıtarııalyq kómek uıymdaryna bekitý qaǵıdalary bekitilsin.

2. Qazaqstan Respýblıkasy Densaýlyq saqtaý jáne áleýmettik damý mınıstrliginiń Medıtsınalyq kómekti uıymdastyrý departamenti: 1) osy buıryqty Qazaqstan Respýblıkasy Ádilet mınıstrliginde memlekettik tirkeýdi; 2) osy buıryqty Qazaqstan Respýblıkasy Ádilet mınıstrliginde memlekettik tirkegennen keıin ony kúntizbelik on kúnniń ishinde merzimdi baspasóz basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberýdi; 3) osy buıryqty Qazaqstan Respýblıkasy Densaýlyq saqtaý jáne áleýmettik damý mınıstrliginiń ınternet-resýrsynda ornalastyrýdy qamtamasyz etsin.

3. Osy buıryqty oryndalýyn baqylaý Qazaqstan Respýblıkasynyń Densaýlyq saqtaý jáne áleýmettik damý vıtse-mınıstri A.V. Tsoıǵa júktelsin. 4. Osy buıryq alǵashqy resmı jarııalaǵan kúninen bastap qoldanysqa engiziledi.

Qazaqstan Respýblıkasynyń Densaýlyq saqtaý jáne áleýmettik damý mınıstri T.DÚISENOVA Qazaqstan Respýblıkasynyń Densaýlyq saqtaý jáne áleýmettik damý mınıstriniń 2015 jylǵy 28 sáýirdegi №281 buıryǵyna 1-qosymsha

Alǵashqy medıtsınalyq-sanıtarııalyq kómek kórsetý qaǵıdalary

1. Jalpy erejeler

1. Osy Alǵashqy medıtsınalyq-sanıtarııalyq kómek kórsetý qaǵıdalary (budan ári - Qaǵıdalar) «Halyq densaýlyǵy jáne densaýlyq saqtaý júıesi týraly» Qazaqstan Respýblıkasynyń 2009 jylǵy 18 qyrkúıektegi Kodeksi 45-babynyń 4-1) tarmaǵyna sáıkes ázirlendi.

2. Osy Qaǵıdalar alǵashqy medıtsınalyq-sanıtarııalyq kómek kórsetý tártibin aıqyndaıdy.

3. Alǵashqy medıtsınalyq-sanıtarııalyq kómek (budan ári - MSAK) - adam, otbasy jáne qoǵam deńgeıinde kórsetiletin, qoljetimdi medıtsınalyq qyzmetter kórsetý keshenin qamtıtyn táýliktik medıtsınalyq baqylaýynsyz dárigerge deıingi nemese bilikti medıtsınalyq kómek:

4. MSAK mynalardy: 1) anaǵurlym kóp taralǵan aýrýlardy, sondaı-aq jaraqattardy, ýlanýlardy jáne basqa shuǵyl jaǵdaılardy dıagnostıkalaý men emdeýdi; 2) otbasyn, ana, áke bolý men balalyq shaqty qorǵaýdy, sonyń ishinde otbasyn josparlaýdy; 3) tegin medıtsınalyq kómektiń kepildik berilgen kólemi (budan ári - TMKKK) sheńberinde dárilik zattarmen qamtamasyz etýdi; 4) profılaktıkalyq is-sharalardy jáne qaýip faktorlaryn aıqyndaýdy; 5) aýrýlardy erte anyqtaýǵa skrınıngtik zertteýlerdi; 6) halyqtyń keń taralǵan patologııalyq jaǵdaılar men salamatty ómir saltyn qalyptastyrý týraly habardar bolý deńgeıin arttyrýdy; 7) negizgi ınfektsııalyq aýrýlarǵa qarsy ımmýndaýdy; 8) halyqty gıgıenalyq oqytýdy jáne sýmen qaýipsiz jabdyqtaý men halyqtyń ońtaıly tamaqtanýy jónindegi túsindirý jumystaryn; 9) ınfektsııalyq aýrýlar oshaqtaryndaǵy sanıtarııalyq-epıdemııaǵa qarsy (profılaktıkalyq) is-sharalardy júrgizýdi qamtıdy.

2. Alǵashqy medıtsınalyq-sanıtarııalyq kómek kórsetý tártibi

5. Alǵashqy medıtsınalyq-sanıtarııalyq kómekti MSAK mamandary (jalpy praktıka dárigeri, ýchaskelik terapevt dáriger (pedıatr), ýchaskelik meıirger (jalpy praktıka meıirgeri), feldsher, akýsher:

1) medıtsınalyq pýnktte;

2) feldsher-akýsherlik pýnktte;

3) dárigerlik ambýlatorııada (Otbasy densaýlyǵy ortalyǵynda); 4) emhanada kórsetedi.

6. MSAK kúndizgi statsıonar men úı jaǵdaılarynda da kórsetiledi.

7. Dárigerdiń nemese orta medıtsına qyzmetkeriniń úıge shaqyrtyp qyzmet kórsetýin ýchaskelik qyzmet (jalpy dárigerlik) bólimshesiniń meńgerýshisi, ol bolmaǵan kezde ýchaskelik dáriger (jalpy praktıka dárigeri) úılestiredi. Úıge shaqyrtyp qyzmet kórsetý úshin kórsetilimder mynalar bolyp tabylady:

1) patsıentke óz betimen MSAK uıymdaryna barýǵa múmkindik bermeıtin jiti aýyrsyný jaǵdaıy; dene qyzýynyń 38 Tselsıı gradýstan joǵarylaýy; jaı-kúıiniń aıqyn buzylýy bar arterııalyq qysymnyń joǵarylaýy;birneshe ret qaıtalanyp ishtiń ótýi; qozǵalysy shektelgen omyrtqanyń jáne aıaq býyndarynyń qatty aýyrsynýlary; bastyń aınalýy, qatty júrek aınýy, qusý;

2) patsıenttiń óz betinshe emhanaǵa barýyna múmkindik bermeıtin sozylmaly aýyrsyný jaǵdaılary (onkologııalyq aýrýlardyń aýyr aǵymy, (I - II toptaǵy) múgedektik, sal bolý, aıaq-qoldyń parezi);

3) aınalasyndaǵylarǵa qaýip tóndiretin jiti ınfektsııalyq aýrýlar;

4) tasymaldaýǵa bolmaıtyn patsıent;

5) MSAK uıymdarynyń jumys ýaqytynda jedel medıtsınalyq járdem stantsııasynan berilgen shaqyrtýlarǵa qyzmet kórsetý.

8. MSAK uıymynyń medıtsına qyzmetkeriniń patsıenttiń úıine, onyń ishinde aýla aralaý (páter aralaý) arqyly barýy:

1) jiti aýrýlar, sozylmaly aýrýlardyń órshýi kezinde onyń jaǵdaıyn, aýrý aǵymyn baqylaý jáne qajetti zerttep-qaraýlardy jáne (nemese) emdeýdi ýaqytyly taǵaıyndaý (túzetý) maqsatynda;

2) ınfektsııalyq aýrý indetiniń paıda bolý qaýpi oryn alǵanda nemese ınfektsııalyq aýrýmen aýyratyn naýqastar anyqtalǵan jaǵdaıda halyqtyń jeke tobynyń, olarmen baılanys jasaǵan nemese ınfektsııalyq aýrýdy juqtyrý kúdigi bar adamdardyń patronajy kezinde júzege asyrylady.

9. MSAK deńgeıinde densaýlyq saqtaý salasynda memlekettik kórsetiletin qyzmetterdiń mynadaı: profılaktıkalyq, dıagnostıkalyq, emdik, ýaqytsha eńbekke jaramsyzdyq saraptamacy boıynsha memlekettik qyzmetter túrleri kórsetiledi.

10. Profılaktıkalyq qyzmetter: profılaktıkalyq qarap-tekserýlerdi, ımmýndaýdy, salamatty ómir saltyn qalyptastyrý men nasıhattaýdy, utymdy jáne durys tamaqtaný jónindegi usynymdardy, otbasyn josparlaýdy, dıspanserleýdi jáne dınamıkalyq baıqaýdy, júkti áıelderdi, balalardy, onyń ishinde jańa týǵan nárestelerdiń patronajyn, áleýmettik-psıhologııalyq konsýltatsııa berýdi qamtıdy.

11. Dıagnostıkalyq qyzmetter: MSAK mamanynyń qarap-tekserýin, zerthanalyq jáne aspaptyq zertteýlerdi qamtıdy.

12. Emdik qyzmetter: jedel jáne kezek kúttirmeıtin medıtsınalyq kómek kórsetýdi, densaýlyq saqtaý salasyndaǵy standarttarǵa sáıkes emdik manıpýlıatsııalardy, belgili bir aýrýlary (jaı-kúıi) bar azamattardyń jekelegen sanattaryn tegin jáne jeńildikti dárilik zattarmen jáne ambýlatorııalyq deńgeıde arnaıy emdik ónimdermen qamtamasyz etýdi qamtıdy.

13. MSAK kórsetý kezinde ýaqytsha eńbekke jaramsyzdyq saraptamasy júrgiziledi. Ýaqytsha eńbekke jaramsyzdyq saraptamasyn dáriger «Halyq densaýlyǵy jáne densaýlyq saq­taý júıesi týraly» 2009 jylǵy 18 qyrkúıektegi Qazaqstan Respýblıkasy Kodeksiniń 59-babynyń 2-tarmaǵyna sáıkes jeke tulǵanyń eńbekke jaramsyzdyǵyn resmı taný jáne ony aýyrý kezeńinde eńbek mindetterin oryndaýdan ýaqytsha bosatý maqsatynda júrgizedi.

14. MSAK «Tegin medıtsınalyq kómektiń kepildik berilgen kóleminiń tizbesin bekitý týraly» Qazaqstan Respýblıkasy Úkimetiniń 2009 jylǵy 15 jeltoqsandaǵy № 2136 qaýlysymen bekitilgen TMKKK sheńberinde kórsetiledi. 15. MSAK:

1) bekitý faktisine qaramastan shuǵyl jáne kezek kúttirmeıtin medıtsınalyq kómek kórsetken jaǵdaıda;

2) josparly túrde - bekitilýi, aldyn ala jazylýy nemese júginýi boıynsha kórsetiledi.

16. MSAK uıymyna alǵash júgingen kezde MSAK uıymynyń tirkeý ornynda bastapqy medıtsınalyq esep qujattary bolyp tabylatyn ambýlatorııalyq naýqastyń medıtsınalyq kartasy nemese balanyń damý tarıhy resimdeledi. MSAK uıymdarynda paıdalanatyn bastapqy medıtsınalyq esepke alý qujattamasy «Densaýlyq saqtaý uıymdarynyń bastapqy medıtsınalyq qujattama nysandaryn bekitý týraly» 2010 jylǵy 21 jeltoqsandaǵy № 907 Qazaqstan Respýblıkasy Densaýlyq saqtaý mınıstri mindetin atqarýshynyń buıryǵyna sáıkes (Normatıvtik quqyqtyq aktilerdi memlekettik tirkeý tiziliminde № 6697 bolyp tirkelgen) júrgiziledi. Bastapqy medıtsınalyq esep qujattamasynyń saqtalýyn qamtamasyz etýdi aǵa tirkeýshi, al feldsherlik-akýsherııalyq jáne medıtsınalyq pýnktterde -MSAK mamany júzege asyrady.

17. Aýrýynyń jaǵdaıy men sıpatyna baılanysty MSAK uıymyna qabyldaýǵa kele almaıtyn azamatqa MSAK mamandary ne shaqyrý tirkelgen kúni MSAK mamandarynyń ótinimi boıynsha beıindi mamandar medıtsınalyq kómekti úıde kórsetedi.

18. MSAK kórsetý kezinde emdeýshi dáriger dárilik zattarǵa retsept jazady. Dárilik zattar naqty dárihana uıymy kórsetilmeı densaýlyq saqtaý salasyndaǵy ýákiletti organmen bekitilgen úlgidegi retsept blankilerine ǵana jazylyp beriledi. 19. Atalǵan qyzmet túrine medıtsınalyq bilimi bar attestattalǵan mamandardy (dárihana obektileri joq eldi mekenderdegi dárigerlik ambýlatorııalar, medıtsınalyq jáne feldsherlik-akýsherııalyq pýnktter) qospaǵanda MSAK uıymdarynyń medıtsına qyzmetkerleriniń dárilik zattardy jáne bıologııalyq aktıvti qospalardy berýine jol berilmeıdi. Qazaqstan Respýblıkasynyń Densaýlyq saqtaý jáne áleýmettik damý mınıstriniń 2015 jylǵy 28 sáýirdegi №281 buıryǵyna 2-qosymsha Azamattardy alǵashqy medıtsınalyq-sanıtarııalyq kómek uıymdaryna bekitý qaǵıdalary

1. Jalpy erejeler

1. Osy Azamattardy alǵashqy medıtsınalyq-sanıtarııalyq kómek uıymdaryna bekitý qaǵıdalary «Halyq densaýlyǵy jáne densaýlyq saqtaý júıesi týraly» Qazaqstan Respýblıkasynyń 2009 jylǵy 18 qyrkúıektegi Kodeksi 45-babynyń 4-1-tarmaǵyna (budan ári - Kodeks) sáıkes ázirlendi.

2. Osy Azamattardy alǵashqy medıtsınalyq-sanıtarııalyq kómek uıymdaryna bekitý qaǵıdalary (budan ári - Qaǵıdalar) Qazaqstan Respýblıkasynyń azamattaryn tegin medıtsınalyq kómektiń kepildik berilgen kólemin kórsetetin alǵashqy medıtsınalyq-sanıtarııalyq kómek uıymdaryna (budan ári -MSAK) bekitý tártibin aıqyndaıdy.

3. Azamattardy alǵashqy medıtsınalyq-sanıtarııalyq kómek uıymdaryna bekitý - Kodekstiń 34-babynda kórsetilgen tegin medıtsınalyq kómektiń kepildik berilgen kólemi (budan ári - TMKKK) sheńberinde alǵashqy medıtsınalyq-sanıtarııalyq kómek kórsetý boıynsha MSAK uıymdarynyń mindettemelerin tirkeý.

4. MSAK kórsetetin medıtsınalyq uıymdarǵa naqty bekitilgen halyqtyń sany, aýmaqtyq qyzmet kórsetý ýchaskeleri, ýchaskelik qyzmettiń (jalpy praktıka qyzmeti) dárigerleri men orta medıtsına personaly týraly aqparatty «Bekitilgen halyq tirkelimi» portalynyń derekqorynda medıtsınalyq uıymdardyń basshylary aıqyndaıtyn jaýapty medıtsına qyzmetkeri qalyptastyrady. Bekitilgen halyq tirkelimnen MSAK uıymdarynyń bólinisinde bekitilgen halyqtyń sany týraly aqparat Tegin medıtsınalyq kómektiń kepildik berilgen kólemin kórsetý boıynsha qyzmet berýshilerdi tańdaý qaǵıdalarynyń talaptaryna sáıkes keletin MSAK uıymdary arasynda TMKKK ornalastyrý jáne Kodekstiń 34-babynyń 4-tarmaǵyna sáıkes aıqyndalatyn tártipte onyń shyǵyndardy óteý úshin negiz bolyp tabylady. 3. Alǵashqy medıtsınalyq-sanıtarııalyq kómek uıymyna azamattardy bekitý tártibi

5. MSAK uıymdaryna azamattardy bekitý medıtsınalyq uıymdy erkin tańdaý quqyǵy boıynsha basqa ákimshilik-aýmaqtyq birlikte ornalasqan jaqyn jerdegi MSAK uıymyna bekitiletin shekaralas aýmaqtarda turatyn azamattardy qospaǵanda, turaqty nemese ýaqytsha turǵylyqty, jumys isteıtin, oqıtyn jeri boıynsha bir ákimshilik-aýmaqtyq birlik sheginde dárigerdi, medıtsınalyq uıymdy erkin tańdaý quqyǵy negizinde júzege asyrylady.

6. Azamat MSAK uıymynyń bireýine ǵana bekitiledi.

7. Medıtsınalyq uıymǵa bekitilý talony azamattyń MSAK uıymyna bekitilgeni týraly kýálandyratyn qujat bolyp tabylady. Bekitilý talonyn medıtsınalyq uıymnyń medıtsınalyq tirkeýshisi beredi.

8. MSAK uıymyna bekitý erkin nysandaǵy ótinish pen jeke basyn kýálandyratyn qujat (jeke kýáligi, pasport, týý týraly kýálik, Qazaqstan Respýblıkasynyń zańnamasynda belgilengen tártippen berilgen ózge de qujat) negizinde MSAK uıymynyń jumys kestesine sáıkes kez kelgen kúntizbelik ýaqytta júzege asyrylady.

9. MSAK uıymy bekitýdi azamattar ózi júgingen kezde júzege asyrady. Otbasynyń árbir múshesiniń jeke basyn kýálandyratyn qujattaryn kórsetken kezde otbasy músheleriniń bireýiniń jazbasha kelisimi bolǵan kezde erkin nysandaǵy ótinishiniń negizinde otbasy múshelerin bekitýge jol beriledi.

10 Adamdardy bekitý MSAK uıymdarynda olardyń tikeleı nemese jazbasha júginýi boıynsha sonymen qatar «elektrondyq úkimet» veb-portaly arqyly jeke kýáligi bolǵan kezde júzege asyrylady. On segiz jasqa tolmaǵan adamdardy bekitý, bekitiletin adamnyń jáne onyń zańdy ókiliniń jeke basyn kýálandyratyn qujat bolǵan kezde onyń zańdy ókilderiniń erkin nysandaǵy ótinishiniń negizinde júzege asyrylady.

11. MSAK uıymdaryna azamattardy bekitýdi ózgertý: 1) turaqty nemese ýaqytsha turǵylyqty, jumys isteıtin jáne oqıtyn jeri ákimshilik-aýmaqtyq birlik sheginen tys jerge ózgergen kezde; 2) MSAK uıymy qaıta uıymdastyrylǵan nemese taratylǵan jaǵdaılarda; 3) azamat dáriger men medıtsınalyq uıymdy jylyna bir retten jıi emes erkin tańdaǵan kezde; 4) jyl saıyn 15 qyrkúıekten bastap 15 qarasha aralyǵynda halyqty MSAK uıymdaryna bekitý naýqany kezeńinde (budan ári - Naýqan) júzege asyrylady.

12. Azamattar tikeleı júgingen kezde olardy MSAK uıymdaryna bekitken kezde buryn bekitilgen MSAK uıymdarynan esepten shyǵarý «Bekitilgen halyq tirkelimi» portalynyń derekqory arqyly avtomatty túrde júzege asyrylady. MSAK uıymdaryna «elektrondyq úkimet» veb-portaly arqyly elektrondyq formatta bekitilgen kezde buryn bekitilgen MSAK uıymdarynan esepten shyǵarý avtomatty túrde júzege asyrylady.

13. Kodekstiń 34-babynda kórsetilgen adamdar MSAK uıymyna bekitýdi erkin tańdaý kezinde olarǵa osy uıym mamandarynyń úıde qyzmet kórsetý múmkindigi aldyn ala kelisiledi jáne bekitý anyqtamasynda (talonynda) kórsetiledi.

14. Naýqan kezeńine TMKKK sheńberinde bekitilgen halyqqa jańa áleýetti qyzmetti berýshilerdiń qyzmetti kórsetý aldaǵy jylǵa TMKKK kórsetýge shart jasasqan kezde qyzmetti berýshini tańdaý jónindegi komıssııanyń sheshimi boıynsha aldaǵy jylǵy 1 qańtardan bastap júzege asyrylady. Kodekstiń 34-babynda kórsetilgen jańa áleýetti qyzmetti berýshilerge bekitýge nıet bildirgen adamdar osy ýaqytqa deıin aǵymdaǵy jyly bekitilgen TMKKK sheńberinde MSAK uıymdarynda medıtsınalyq kómek alady.

15. TMKKK sheńberinde MSAK kórsetetin jekeshe medıtsınalyq praktıkamen aınalysatyn jeke tulǵalarǵa bekitý osy Qaǵıdalarǵa sáıkes MSAK uıymdaryna bekitýmen birdeı júzege asyrylady. Buıryq Qazaqstan Respýblıkasynyń Ádilet mınıstrliginde 2015 jylǵy 4 maýsymda Normatıvtik quqyqtyq kesimderdi memlekettik tirkeýdiń tizilimine №11268 bolyp engizildi.