Elimizde aýylsharýashylyq ónimderi men azyq-túliktiń negizgi túrleri baǵasynyń qymbattaý qaýpi bar - A. Kúrishbaev
/em>Qazannyń 12-si. QazAqparat /Marlan Jıembaı/ - El aýmaǵynan aýylsharýashylyq ónimderi men azyq-túliktiń negizgi túrlerin shamadan tys shyǵarý saldarynan olardyń baǵasynyń kúrt kóterilý qaýpi tónip tur.
Bul týraly búgin Úkimet otyrysynda Aýyl sharýashylyǵy mınıstri Aqylbek Kúrishbaev málim etti.
«Kórshi elderde týyndaǵan turaqsyz jaǵdaı búginde ishki azyq-túlik naryǵynda belgili bir qıyndyqtardyń týyndaýyna sebep bolyp otyr. Atap aıtqanda, el aýmaǵynan aýylsharýashylyq ónimderi men azyq-túliktiń negizgi túrlerin shamadan tys shyǵarý saldarynan olardyń baǵasynyń kúrt kóterilý qaýpi tónip tur», - dedi mınıstr. Bul oraıda Aýyl sharýashylyǵy mınıstrligi ishki naryqty qorǵaý ári azyq-túlik baǵasynyń turaqtylyǵyn saqtap qalý úshin birqatar sharalardy qabyldady.
Mınıstrdiń aıtýynsha, negizgi astyq egetin aımaqtardyń elevatorlarynan 126 myń tonna astyq qurǵaqshylyqtan zardap shekken batys aımaqtarǵa tasymaldanyp, atalǵan óńirlerde astyq resýrstarynyń qory qurylǵan. Sondaı-aq, 1 mln. tonnaǵa jýyq kólemde astyq saqtandyrý qoryn qurý týraly sheshim qabyldandy. Oblystardyń, Astana men Almaty qalalarynyń ákimdikteri men QazAgro ulttyq holdıngi men Qazaqstannyń Astyq odaǵy ishki naryqqa astyq, un ónimderin turaqty jetkizip turý, ári nannyń baǵasyn turaqtandyrý týraly memorandýmdarǵa qol qoıdy.
Aýyl sharýashylyǵy mınıstrligi qabyldaǵan taǵy bir sharaǵa sáıkes, 6 aıǵa deıingi merzimge respýblıka aýmaǵynan maıly daqyldardyń tuqymdaryn, ósimdik maıyn jáne qaraqumyqty shyǵarýǵa tyıym salyndy.
