Elimizde aýyl sharýashylyq ónimderin eksporttaıtyn kóshbasshy óńirler ataldy
«Segiz aıdyń qorytyndysy boıynsha keıbir kórsetkishter tómendedi. Degenmen, mal sharýashylyǵynda ósim jaqsy. Ósim shamamen 4 paıyzǵa jýyqtaıdy. Al myna egin sharýashylyǵynda aýa-raıyna baılanysty másele týyndap otyr. Óıtkeni, byltyr 1 qyrkúıek kezinde 40 paıyz egis jınalyp qoıǵan bolatyn. Bıyl bul kórsetkish 17 paıyzdy qurap otyr. Qazir endi aýa raıy turaqtalsa, bul kórsetkishti túzeımiz degen oıdamyn», - deıdi ol búgingi Úkimet otyrysynda.
Ómirzaq Shókeev sonymen qatar, mal sharýashylyǵynda keıbir oblystarda áli de máseleler baryn atap ótti.
«Asyl tuqymdandyrý baǵdarlamasy boıynsha Shyǵys Qazaqstan oblysy 38 paıyz, Qaraǵandy 27 paıyzdyq kersetkishterge jetse, Qostanaı, SQO sekildi óńirler 13 paıyzdy kórsetip otyr. Eksport boıynsha byltyrǵy kórsetkishterden góri bıyl kóp jaqsy. Byltyr jyl boıy 5 myń tonna ónim eksporttalsa, qazir 8 aıdyń qorytyndysy boıynsha 7290 tonna ónim eksporttaldy. Bıylǵy ındıkator - 15 myń tonna. Ol maqsatqa jetemiz degen oıdamyn», - dedi mınıstr.
Premer-mınıstrdiń orynbasary sonymen qatar, aýyl sharýashylyq ónimderiniń eksporty boıynsha kóshbasshy jáne artta qalǵan óńirler týraly aıtyp berdi.
«Túrkistan oblysy tapsyrmany 150 paıyzǵa oryndasa, Pavlodar oblysy 83 paıyzǵa, BQO 58 paıyzǵa oryndasa, Shyǵys Qazaqstan, Qaraǵandy, Qostanaı oblystary 7-8 paıyzdyq kórsetkishti kórsetip otyr. Biz apta saıyn selektorlyq baqylaý ótkizip, máseleni baqylaýda ustap otyrmyz. Oblys ákimderiniń orynbasarlarymen jumys istep jatyrmyz. Biraq, oblys ákimderiniń ózderi bul máseleni jiti qadaǵalaýy tıis dep oılaımyn», - dedi Ómirzaq Shókeev.
