Elimizde aýyl sharýashylyǵy baǵytynda paıdalanylmaı otyrǵan jer kólemi 8 mln. gektardy quraǵan
ASTANA. 28 aqpan. QazAqparat - Elimizde aýyl sharýashylyǵy baǵytynda paıdalanylmaı otyrǵan jer kólemi 8 mln. gektardy quraǵan. Bul týraly búgin Májiliste «Qazaqstan Respýblıkasynyń keıbir zańnamalyq aktilerine jer qatynastaryn retteý máseleleri boıynsha ózgerister men tolyqtyrýlar engizý týraly» zań jobasynyń tanystyrylymy barysynda Óńirlik damý mınıstrligi Jer resýrstaryn basqarý komıtetiniń tóraǵasy Qadyrhan Otarov málim etti.
«Jer balansyna sáıkes, búgingi tańda elimizde aýyl sharýashylyǵy baǵytyndaǵy jer kólemi 90 mln. gektardy quraıdy. Onyń ishinde jerdi túgendeý boıynsha atqarylǵan sharalar nátıjesinde shamamen 8 mln. gektarǵa jýyq jerdiń paıdalanylmaı otyrǵandyǵy anyqtaldy. Osy 8 mln. gektardyń ishinde byltyrǵy jyly 7 mln. gektary qaıtarylyp alynyp, olar budan ári qaıta paıdalanýǵa usynyldy», - deıdi komıtet tóraǵasy. Onyń aıtýynsha, bundaı jumys jalǵasady. Elbasynyń tasyrmasyna sáıkes, aýyl sharýashylyǵy baǵytyndaǵy jerlerdi keshendi túrde túgendeý jumystary áli júzege asady. Aýqymdy jumys 3 jyl boıyna atqarylyp, 2014 jyly aıaqtalady dep kútilýde. «Túgendeý nátıjesinde tozyǵy jetken jerler de anyqtaldy. Olar shamamen 100 myń gektardy quraıdy», - deıdi Q. Otarov.
