Elimizde aýrýshańdyq bir jylda 4 paıyzǵa ósti – Ajar Ǵınııat

ASTANA. QazAqparat – Elimizde áıelderdiń kóbine qandaı aýrýlarǵa shaldyǵatyny belgili boldy, dep habarlaıdy QazAqparat tilshisi.

«Elimizde 10 mln-nan astam áıel bar. Onyń 4 mln-nan astamy bala týý jasynda jáne 18 jasqa deıingi 3 mln-nan astam qyz bala turady. Densaýlyq saqtaý júıesinde profılaktıka jáne dertti erte satyda anyqtaýǵa baǵyttalǵan is-sharalar basymdyqqa ıe. Osy oraıda aýrýdyń aldyn alý maqsatynda dıagnostıka skrınıngteri júrgiziledi. Álemde áıelderdiń ólimine ınfektsııalyq emes aýrýlar negizgi sebep bolyp otyr. Elimizde aýrýshańdyq bir jylda 4 paıyzǵa ósti. 100 myń adamǵa shaqqanda 50 myńnan asyp túsedi», - dedi Densaýlyq saqtaý mınıstri Ajar Ǵınııat Úkimet otyrysynda.

Mınıstrdiń dereginshe, elimizde qyz-kelinshekterdiń 27% tynys alý aǵzalarynyń dertine, 12% nesep-jynys júıesi, 8% qanaınalym júıesi, sol sııaqty 6% súıek-bulshyqet júıesiniń jáne as qorytý aǵzasy aýrýlaryna shaldyǵady.

«3 mln-ǵa jýyq áıel dıspanserlik esepte tur. Bul baqylaýda turǵan eresekterdiń 62,5%-yn quraıdy (4,8 mln adam). Jyl saıyn statsıonarlarda 2 mln-ǵa jýyq áıel emdeledi jáne 500 myń áıelge hırýrgııalyq kómek kórsetiledi. Jalpy áıelderdiń ómir súrý uzaqtyǵy 74 jasty quraıdy. Áıelder erlerge qaraǵanda 7,7 jasqa uzaǵyraq (66,33 jas) ómir súredi», - deıdi vedomstvo basshysy.