Elimizde aýa raıyna baılanysty 7 óńirde eskertý jarııalandy
NUR-SULTAN. QazAqparat – Elimizde qolaısyz aýa raıyna baılanysty 7 óńirde eskertý jarııalandy, dep habarlaıdy QazAqparat qazgıdrometke silteme jasap.
4 sáýirde Aqtóbe oblysynyń keı jerlerinde tuman túsedi, túnde keı jerlerde kóktaıǵaq bolýy yqtımal. Jeldiń baǵyty ońtústik-shyǵystan batysqa aýysady, kúndiz oblystyń ońtútiginde ekpini 16 m/s jetedi.
4 sáýirde Qyzylorda oblysynyń keı jerlerinde naızaǵaı oınaıdy. Ońtústik-shyǵystan batysqa aýysyp jel soǵady, kúshi keı jerlerde 15-20 m/s jetedi.
Erteń tańerteń jáne kúndiz Qyzylorda qalasynda naızaǵaı oınaıdy. Ońtústik-shyǵystan batysqa aýysyp jel soǵady, ekpini kúndiz 15-20 m/s jetedi.
4 sáýirde kúndiz Mańǵystaý oblysynyń keı jerlerinde shańdy daýyl soǵýy múmkin. Batystan, soltústik-batystan jel soǵady, kúndiz keı jerlerde 15-20 m/s jetedi.
4 sáýirde Aqmola oblysynyń keı jerlerinde tuman túsip, ońtústik-shyǵystan jel soǵady, kúshi 15-20 m/s jetedi.
4 sáýirde Batys Qazaqstan oblysynyń keı jerlerinde tuman túsýi múmkin. Ońtústik-shyǵystan soltústik-batysqa aýysyp soǵatyn jeldiń kúshi kúndiz keı jerlerde 15-20 m/s jetedi.
Erteń túnde jáne tańerteń Oralda tuman túsýi múmkin.
4 sáýirde Qostanaı oblysynyń keı jerlerinde tuman túsip, kóktaıǵaq bolady. Ońtústik-shyǵystan jel soǵady, kúshi keı jerlerde 15-20 m/s jetedi.
4-5 sáýirde Qaraǵandy oblysynyń keı jerlerinde tuman túsedi. Ońtústik-shyǵystan, shyǵystan jel soǵady, kúshi keı jerlerde 15-20 m/s jetedi.
