Elimizde attraktsıonnyń jumys isteýine ruqsat etiledi

NUR-SULTAN. QazAqparat - 17 tamyzdan bastap elimizde ashyq aspan astyndaǵy attraktsıondardyń jumys isteýine ruqsat etiledi. Bul týraly Ortalyq kommýnıkatsııalar qyzmetinde ótken Qazaqstanda karantındik sharalardy kezeń-kezeńmen jeńildetý týraly onlaın brıfıngide QR Bas memlekettik sanıtarlyq dárigeri Aıjan Esmaǵambetova aıtty, dep habarlaıdy QazAqparat tilshisi.

«Ashyq aspan astyndaǵy attraktsıondarǵa ruqsat etiledi. Mundaı jaǵdaıda áleýmettik qashyqtyqty saqtaý, kelýshiler aǵynyn retteý jáne maska taǵý mindetti», - deıdi Aıjan Esmaǵambetova.

Onyń aıtýynsha, fıtnes ortalyqtary da jumysyn bastaıdy.

«Bastapqy kezeńde fıtnes ortalyqtarda basseın jumys istemeıdi jáne ár adam úshin kem degende 5 sharshy metr jer qaralýy kerek. Sondaı-aq, fıtnes ortalyǵynyń ishi 50% ǵana tolýy kerek», - deıdi ol.