Elimizde astyq daqyldarynyń aýrýlaryna qarsy hımııalyq óńdeýler júrgizýge 2,7 mlrd. teńge bólindi
Onyń atap ótýinshe, elimizde dándi daqyldarǵa qaýipti 300-den asa zııankes bar. Máselen, aramshópterdi der ýaqytynda ýlamasa, onda olar astyq shyǵymyn keminde 2 esege tómendetedi. Al bıyl jaýyn-shashynnyń mol túsýi sebepti dándi daqyldardyń qońyr tot pen septorıoz aýrýlary boı kórsete bastady. Olar bıdaı, arpa, suly ósirýmen aınalysatyn Qostanaı, Soltústik Qazaqstan, Aqmola oblystaryna qaýip tóndirip tur.
«Biz jylyna 2-2,5 mln. gektar alqapqa aýrý taralý múmkindigin boljaıtynbyz. Aǵymdaǵy jyly da 2,5 mln. gektardy boljadyq. Onyń ishinde zııankesterden ýlaıtyn kólem - 1,8 mln. gektar. Astyq daqyldarynyń aýrýlaryna qarsy hımııalyq óńdeýler júrgizýge 2,7 mlrd. teńge bólingen», - dedi ol.
S. Qasenovtiń atap ótýinshe, egistikti aýrýlardan qorǵaý úshin 87 búrikkish tehnıka jumyldyrylǵan. Onyń 41-i ushaq, al 46-sy - aerozoldi generator.