Elimizde astyq baǵasy jyl boıy turaqty bolady - treıder
ALMATY. Aqpannyń 18-i. QazAqparat /Erbol Azanbek/ - Elimizde astyq baǵasy naýryz aıynyń ortasyna deıin turaqty saqtalady. Bul týraly búgin «Eýrazııalyq saýda júıesi» taýar bırjasynyń marketmeıkeri "Torıno-06" JShS dırektor- treıderi Orazbek Jóndibaev aıtty,
dep habarlaıdy QazAqparat.
Onyń aıtýynsha, qazir álemdik bırja alańdarynda turaqtylyq ornaǵan. «2010 jylǵa joramal boıynsha astyq baǵasy 2009 jylǵy baǵa deńgeıinde qalady. Tek dástúr boıynsha kóktem kezinde astyq baǵasy azdap kóterilýi múmkin. Alaıda bizde 2008 jyldan qalǵan astyq qaldyǵy barlyǵyn eskersek, astyq baǵasynyń qymbattaýyna sebep joq», deıdi treıder. Esterińizge sala keteıik, «ESJ» taýar bırjasyndaǵy astyq baǵasy tonnasyna 15 myń teńge kóleminde bolyp otyr.Orazbek Jóndibaevtyń sózinge qaraǵanda, osy deńgeıdegi baǵa jyl boıy saqtalýy múmkin.
