Elimizde áskerıler polıgraf arqyly tekseriledi
Bıyl QR Qarýly Kúshterinde birinshi jartyjyldyqta shaqyrylymǵa jaýapty qorǵanys isteri jónindegi aýmaqtyq organdardyń áskerı qyzmetshileri polıgraf apparatynda tekserýden ótedi dep josparlanýda. Polıgraf - bul talap etiletin stımýldarǵa jaýap retinde adamnyń reaktsııasyn qadaǵalap otyrýǵa múmkindik beretin tehnıkalyq qural. Grafıka túrinde beınelenip kórsetiletin tynys alý, júrek qan tamyry júıesiniń, teriniń elektrli belsendiligi ispetti mundaı fızıologııalyq turǵydaǵy kórsetkishter elektr sıgnaldaryna aýysady.
Polıgrafta zertteý adamǵa múldem qaýipsiz, tek jaýap alynatyn adamnyń jazbasha kelisimimen júrgiziledi. Polıgraftyń kómegimen alkogoldi, esirtki zattaryn paıdalaný, qumar oıyndarǵa áýes bolý, ózin-ózi óltirýge árekettený, dinı ekstremıstik uıymdardyń ókilderimen jeke baılanys ornatý, qylmystyq elementter nemese sheteldik arnaıy qyzmetterge járdemdesý, ruqsat etilmegen qyzmettik (qupııa) aqparatty taratý, qandaı da bir jemqorlyq áreketterge barý sekildi derekterdi anyqtaýǵa bolady. 
