Elimizde áskerge baratyn árbir ekinshi bozbala aýrý - depýtat Hamenova
Májiliste «Halyq densaýlyǵy jáne densaýlyq saqtaý júıesi týraly» Kodeks jobasynyń jańa redaktsııasyn talqylaý barysynda depýtat Baqytkúl Hamenova áskerge baratyn jastardyń densaýlyǵyna alańdaýshylyq tanytqan edi.
«Eljan Amantaıuly (QR Densaýlyq saqtaý mınıstri Birtanov), elde áskerı qyzmetke alynatyn árbir ekinshi bala aýrý, qazir. Qazaq: «Rýhyńdy qorǵaımyn deseń, ulyńdy qorǵa», - deıdi. Uldy qorǵamasaq, erteń eldi qorǵaı almaımyz. Sondyqtan eldiń bas dárigeri retinde janarshyrlyq tanytyp, áskerge alynyp jatqan bozbalalardyń jaǵdaıyna keshendi jospar qoldansańyz», - degen edi ol.
Osy máselege oraı Eljan Birtanov qazirgi ýaqytta Úkimet tarapynan Densaýlyq saqtaý mınıstrligi atqarýshy organdarmen birlesip, 2020-2025 jyldarǵa arnalǵan densaýlyq saqtaý salasyn damytý baǵdarlamasy ázirlenip jatqanyn aıtty.
«Bizdiń josparymyzǵa sáıkes bul jumys aıaqtalyp kele jatyr. Memlekettik bastamanyń eń negizgi baǵyty - balalar men jastardyń densaýlyǵy. Sonyń ishinde, árıne áskerı qyzmetke daıyndaý, reprodýktıvti densaýlyq, deni saý ana bolý máseleleri qarastyrylady», - dedi mınıstr.