Elimizde ashyq tústi munaı ónimderin ımporttaýǵa tyıym salyndy

NUR-SULTAN. QazAqparat – Qazaqstanda ashyq tústi munaı ónimderin ımporttaýǵa 1 qarashaǵa deıin tyıym salyndy. Bul týraly QazAqparat Energetıka mınıstrliginiń baspasóz qyzmetine silteme jasap habarlaıdy.

Mınıstrliktiń habarlaýynsha, búgingi tańda ishki naryqta munaı ónimderiniń qorlary aıtarlyqtaı joǵary deńgeıde jáne ımporttyq otynnyń qosymsha kóleminiń kelýi otandyq munaı óńdeýge teris áser etýi múmkin, atap aıtqanda:

- qazaqstandyq MÓZ-den munaı ónimderin tıep-jóneltý kólemin azaıtýǵa;

- zaýyttardyń rezervýarlyq parkteriniń, sondaı-aq eldiń barlyq munaı saqtaý bazalarynyń tolyp ketýine ákelip,

- sonyń saldarynan munaıdy óńdeýdi májbúrli tómendetýge teris áser etýi múmkin, bul dızel jáne avıatsııalyq otyn sııaqty basqa da baǵaly munaı ónimderiniń túrlerin óndirýdiń tómendeýine ákep soǵady.