Qazaqstanda «Arqan tartys» federatsııasy jumysyn bastady

ASTANA. KAZINFORM — Arqan tartys álemniń 75 elinde resmı sport retinde tirkelip, júıeli jumys istep keledi. Bul týraly Arqan tartys federatsııasynyń baspasóz qyzmeti habarlady.  

Atalǵan sport túri bıyl elimizde ótetin 5-shi dúnıejúzilik kóshpendiler oıyndarynyń negizgi baǵdarlamasyna engen.

Jańadan qurylǵan Respýblıkalyq federatsııa prezıdenti bolyp Іlııasov Erkebulan Saıdollauly taǵaıyndaldy. Іlııasov Erkebulan Saıdollauly — «Alageum Electric» Dırektorlar keńesiniń tóraǵasy, «Qazaqstannyń elektr mashınalaryn jasaý qaýymdastyǵy» ZTB Basqarma tóraǵasy, YPO Kazakhstan múshesi. 2023 jyldan beri «Jamby atý federatsııasy» RQB prezıdenti qyzmetin atqaryp keledi.

«Jańa basshynyń taǵaıyndalýymen «jamby aty» sporty qaryshtap damyp, elishilik birneshe jarys keń kólemde uıymdastyryldy. Sonymen qatar alǵash ret «Taıtuıaq» júldesi sarapqa salyndy. 

Jańadan qurylǵan federatsııa Astanada ótetin V Dúnıejúzilik kóshpendiler oıynyna arqan tartystan qatysatyn el quramasyn jasaqtaýdy kózdep otyr. Osyǵan oraı elimizdiń 5 aımaǵynda irikteý jarystary ótedi.

Jarys ІІ kezeńnen turady:

І kezeń — aımaqtyq (ortalyq, soltústik, shyǵys, batys, ońtústik) irikteý jarystary;

ІІ kezeń — aqtyq kezdesýler (fınal).

Ár aımaqtyq irikteýde jeńimpaz atanǵan komandalar ІІ kezeńge joldama alady.

1) Ortalyq aımaqtyq irikteý: Astana qalasy 13.02.2024 j.

2) Soltústik aımaqtyq irikteý: Kókshetaý qalasy 17.02.2024 j.

3) Shyǵys aımaqtyq irikteý: Semeı qalasy 20.02.2024 j.

4) Batys aımaqtyq irikteý: Atyraý qalasy 24.02.2024 j.

5) Ońtústik aımaqtyq irikteý: Taraz qalasy 28.02.2024 j.

6) Aqtyq kezdesýler (fınal): Astana qalasy 6-7.03.2024 j.

Erler arasynda: 8 sportshy, 2 almastyrýshy sportshy, salmaq dárejeleri 720 keli.

Áıelder arasynda: 8 sportshy, 2 almastyrýshy sportshy, salmaq dárejesi 560 keli.