Elimizde «Ardagerler týraly» zań qabyldanbaq
NUR-SULTAN. QazAqparat – Eńbek jáne halyqty áleýmettik qorǵaý mınıstri Birjan Nurymbetov atalmysh zań qandaı maqsattardy kózdeıtinin aıtyp berdi, dep habarlaıdy QazAqparat tilshisi.
«Búgingi kúni Parlament qabyrǵasynda jalpy «Ardagerler týraly» zań jobasy ázirlenip jatyr. Negizi bizde soǵysqa qatysýshylar men olarǵa teńestirilgen tulǵalarǵa beriletin áleýmettik kepildikter týraly zań bar. Endi Parlament depýtattary «Ardagerler týraly» zań qabyldaýdy usynyp otyr. Ol ázirge joba. Eńbek jáne halyqty áleýmettik qorǵaý mınıstrligi óz tarapynan ondaǵy usynystarǵa qoldaý bildiretin bolady», - dedi Birjan Nurymbetov soǵys ardageri Aleksandr Torkındi úıine baryp quttyqtaǵannan keıin tilshilerge bergen suhbatynda.
Mınıstr sonymen qatar, atalmysh zań qandaı maqsattardy kózdeıtinin de aıtty.
«Bul zań barlyq ardagerler men olarǵa teńestirilgen tulǵalarǵa beriletin jeńildikterdiń, kómekterdiń bárin júıeleýdi kózdeıdi. Elimizde Ekinshi dúnıejúzilik soǵyspen birge Aýǵan soǵysynyń ardagerleri de bar. Sol sebepti, jeńildikterdiń bárin biz zańǵa toptastyrý kózdelgen. Jýyq arada ol zań jobasy týraly tolyǵyraq estıtin bolasyzdar», - dedi ol.
Eske sala ketsek, Eńbek jáne halyqty áleýmettik qorǵaý mınıstri Birjan Nurymbetov Qarttar kúnine oraı jasy júzge kelgen elorda turǵyny Aleksandr Torkındi úıine baryp, quttyqtap qaıtqan bolatyn.
