Elimizde apellıatsııa ınstıtýty reformalanady

ASTANA. QazAqparat – Elimizde apellıatsııa ınstıtýty reformalanady. Bul týraly Senattyń jalpy otyrysynda senator Andreı Lýkın aıtty, dep habarlaıdy QazAqparat tilshisi.

«Memleket basshysy apellıatsııa ınstıtýtyn reformalaýdy tapsyrdy. Sottyń apellıatsııalyq satyda isti birinshi satyǵa qaıtarmaı, ıaǵnı, birinshi saty sotynyń erejesi boıynsha shyn máninde sheshim qabyldaýy usynylady. Sondyqtan eger sot apellıatsııalyq satyda isti shyn máninde qaraýdy bastaǵan jaǵdaıda birinshi saty erejesi jumys isteıdi, onyń ishinde jańa dálelderdi usyný máseleleri de», - dedi senator «QR keıbir zańnamalyq aktilerine protsestik zańnamany jetildirý jáne sot júıesin reformalaý máseleleri boıynsha ózgerister men tolyqtyrýlar engizý týraly» zań jobasyn tanystyra kele.

Andreı Lýkınniń túsindirýinshe, osylaısha sot talqylaýdyń tolyqtyǵyn, jan-jaqtylyǵyn jáne shynaıylyǵyn qamtamasyz etedi.

Bul tetik sýdıa qateligi sanyn tómendetýge, sot aktileri sapasyn arttyrýǵa, sot tájirıbesiniń biregeıligin qamtamasyz etýge negizdelgen.

Sonymen qatar azamattar men kásipkerlerdiń buzylǵan quqyqtaryn jyldamyraq qalpyna keltirýge múmkindik beredi.