Elimizde ana ólimi 58 paıyzǵa tómendedi
«Qazirgi ýaqytta densaýlyq saqtaý júıesi jumysynda oń dınamıka baıqalady. Jalpy ólim-jitim – 11, ana ólimi – 58, qan aınalymy júıesi jáne tynys alý organdary aýrýlarynan ólim-jitim – 17, ókpe aýrýynan - 12, qaterli aýrýlardan 8 paıyzǵa tómendedi. Medıtsınalyq kómektiń sapasy men qoljetimdiligin jaqsartý maqsatynda dárigerlerdiń jalaqysy 20 paıyzǵa artty. 2021 jyly óńirlerde 3 034 jas maman jumysqa ornalasty. Bul jalpy túlekterdiń 96 paıyzyn quraıdy. Bul rette aýyldarǵa 606 túlek jumysqa ornalasty. 2019-2022 jyldary aralyǵynda medıtsınalyq-sanıtarııalyq alǵashqy kómektiń teńdeı qoljetimdiligin qamtamasyz etý úshin 304 MSAK nysany paıdalýǵa berildi. MSAK-ty qarjylandyrý densaýlyq saqtaý júıesin qarjylandyrýdyń jalpy kóleminiń 54 paıyzyna deıin jetkizildi», - dedi birinshi vıtse-mınıstr Ortalyq kommýnıkatsııalar qyzmetindegi baspasóz máslıhatynda.
Onyń atap ótýinshe, bıyl 80 MSAK nysanyn salý kózdelgen. Qazirgi ýaqytta onyń 6-ýy paıdalanýǵa berildi. Osy jyldyń sońyna deıin aýyl turǵyndary men balalar úshin profılaktıkanyń jańa ádisteri engizilip, konsýltatsııalyq-dıagnostıkalyq qyzmetter keńeıtildi.
«Aýdandyq aýrýhanalardyń materıaldyq-tehnıkalyq bazasy jaqsarady. Qymbat turatyn medıtsınalyq jabdyqtarmen jabdyqtalyp jatyr. 21 kompıýterlik tomografııa, 91 rentgen apparaty, ana men balany qorǵaýǵa arnalǵan 1 myńnan astam jabdyq jetkizildi. Shalǵaıda ornalasqan eldi mekenderde jyljymaly medıtsınalyq keshender men medıtsınalyq poıyzdar keńinen qoldanylady», - dedi Jandos Búrkitbaev.
Ashy q k ó zderden alyn ǵ an foto
