Elimizde ana men bala ólimi tómendedi
ASTANA. 29 jeltoqsan. QazAqparat - «Salamatty Qazaqstan» baǵdarlamasymen qarastyrylǵan sharalardyń arqasynda elimizde ana men bala ólimi boıynsha jaǵdaı turaqtandy jáne bul kórsetkishterdiń tómendeý úderisi baıqalýda, dep habarlaıdy pm.kz saıty.
Atap aıtqanda, 2011 jyldyń 11 aıynda ana ólimi kórsetkishi 1,4 esege tómendegen (2011 jyldyń 11 aıynda - ár tiri týǵan 100 myń adamǵa shaqqanda, bul kórsetkish 16,4 quraǵan, 2010 jyldyń 11 aıynda - ár tiri týǵan 100 myń adamǵa shaqqanda, bul kórsetkish 23 bolǵan).
Ótken jyldyń sáıkes kezeńimen salystyrǵanda bala ólimi 11,3 paıyzǵa tómendep, ár 1000 jańa týǵan nárestege shaqqanda 14,9 quraǵan, 2010 jyldyń sáıkes kezeńindegi kórsetkish - 16,8 bolatyn.
