Elimizde alkogol satýǵa 40 myńǵa jýyq lıtsenzııa berilgen

ASTANA. QazAqparat – Elimizde alkogol ónimderin satýǵa lıtsenzııa kóbine Almaty qalasynda berilgen. Bul týraly Qarjy mınıstrligi memlekettik kirister komıteti ákimshilendirý departamenti aktsızderdi ákimshilendirý basqarmasynyń basshysy Erlan Dalbın málim etti, dep habarlaıdy QazAqparat tilshisi.

«Alkogol ónimderin satýǵa elimiz boıynsha shamamen 40 myńǵa jýyq lıtsenzııa ıesi bar. Onyń ishine bólshek jáne kóterme saýdagerler de kiredi. Lıtsenzııa alýǵa halyq kóp aımaqtarda sáıkesinshe suranysta joǵary. Dál qazir naqty sandy aıta almaımyn. Óńirler boıynsha kóbine Almaty qalasy men Almaty oblysy jáne Túrkistan oblysyn aıtýǵa bolady», – dedi Erlan Dalbın kirister komıtetiniń YouTube kanalynda ótken tikeleı efır barysynda.

Onyń aıtýynsha, bıyl shaǵyn jáne orta bıznesti tekserýge tyıym salǵan moratorııge ózgerister engizildi.

«Osy oraıda Salyq jáne kásipkerlik kodeksine sáıkes biz tekserýge shyǵa alamyz. Ásirese tekseris lıtsenzııasyz alkogol ónimderin satatyndarǵa qatysty. Onyń ishinde másele bólshek saýdamen aınalysatyndarǵa tirelip otyr. Іshimdikterdi zań aıasynda satý salasyna taldaý jasamaqpyz. Sondyqtan saýdagerlerdi lıtsenzııa alyp, ruqsatpen satýǵa shaqyramyz», - deıdi ol.