Elimizde alǵash ret «Aıtys» mamandyǵy ashyldy
ASTANA. QazAqparat - Qazaq ulttyq óner ýnıversıtetinde «Aıtys» mamandyǵy ashyldy, dep habarlaıdy aitysker.com.
Málimetterge súıensek, qazaqstandyq ǵalymdar, qoǵam qaıratkerleri, óner janashyrlary men ult zııalylary aqyldasa kelip, Qazaq ulttyq óner ýnıversıtetiniń dástúrli óner fakýltetinen «Aıtys» mamandyǵyn ashýdy uıǵarǵan. Bul bastama memleket tarapynan qoldaý taýyp, 4 grant bólingen.
Aıta keteıik, buǵan deıin osyǵan uqsas mamandyq L.N.Gýmılev atyndaǵy Eýrazııa ulttyq ýnıversıtetinde bolǵan. 2001 jyly qoǵam jáne memleket qaıratkeri, sol kezdegi ýnıversıtet rektory Myrzataı Joldasbekovtiń qoldaýymen «Dástúrli mýzykalyq jáne poetıkalyq óner» atty mamandyq ashylyp, qazaqtyń talantty jastary bilim alǵan. Keıin ýnıversıtet qurylymyn ózgertkende bul mamandyq jabylyp qalǵan.
Jańa mamandyqqa qujattardy qabyldaý maýsym aıynyń 30 juldyzyna deıin jalǵaspaq.
