Elimizde aldaǵy úsh kún jańbyrly bolady – aýa raıy
NUR-SULTAN. QazAqparat – Sınoptıkter 14-16 mamyrǵa arnalǵan aýa raıy boljamyn jarııa etti, dep habarlaıdy QazAqparat Qazgıdrometke silteme jasap.
«Respýblıkanyń barlyq aýmaǵynda qubylmaly aýa raıy kútiledi. Buǵan sınoptıkalyq protsesterdiń tez aýysýy yqpal etedi. Qazaqstan arqyly ótetin frontaldy bólikter aımaqtarǵa nóser jańbyr men naızaǵaıly taza aýa massalaryn jetkizip, kúndizgi temperatýra 24…33-ten 15…27 jylyǵa deıin tómendeıdi. Sondaı-aq keı jerlerde tuman túsedi, daýyl soǵýy jáne burshaq jaýýy yqtımal», delingen habarlamada.
