Elimizde aldaǵy táýlikterde kún salqyndaıdy
NUR-SULTAN. QazAqparat – Sınoptıkter 8-10 qazan kúnderiniń aýa raıy boljamyn jarııalady, dep habarlaıdy QazAqparat Qazgıdrometke silteme jasap.
Demalys kúnderi Qazaqstannyń barlyq óńirinde aýa temperatýrasy normadan 4…9°S-qa joǵary ári kún ashyq boldy.
Biraq Edilmańy aımaǵyndaǵy sýyq atmosferalyq aǵyndarmen birge bultty massıv shyǵysqa qaraı yǵysa bastady. Sondyqtan aldaǵy kúnderi Qazaqstandaǵy aýa raıy ózgere bastaıdy.
«Aldaǵy táýlikte batys oblystarda kún bultty bolyp, keı jerlerde jańbyr jaýady jáne aýa temperatýrasy tómendeıdi. Soltústik-batys óńirlerde 9 qazan, soltústik jáne ortalyqta 10 qazan kúni jańbyr sebelep, naızaǵaı jarqyldaýy múmkin. Aýa temperatýrasy salqyndaıdy», - delingen Qazgıdromet habarlamasynda.
Sınoptıkterdiń aıtýynsha, Qazaqstan shyǵysynda kún áli de jaýyn-shashynsyz, jyly bolady. Ońtústik jáne ońtústik-shyǵys aýdandarda, ásirese taý men taý bókteri aımaqtarynda ótkinshi jańbyr jaýyp, naızaǵaı oınaıdy.
