Elimizde aldaǵy kúnderi aýa raıy qandaı bolady
ASTANA. QazAqparat - «Qazgıdromet» RMK 24-26 shildedegi aýa raıyna boljam jasady, dep habarlaıdy QazAqparat.
Jeksenbi kúni Qazaqstannyń soltústik jáne soltústik-shyǵys aýdandaryna mol jaýyn-shashyn ákelgen bıiktik tsıklon Batys Sibirdiń ońtústigine qaraı jyljı bastady. Degenmen tsıklonnyń respýblıkanyń ortalyq, ońtústik, ońtústik-shyǵys jáne shyǵys oblystaryna yqpaly áli de baıqalady. Soǵan baılanysty, Sibirden salqyn ári ylǵaldy aýa aǵyny keledi. Sondyqtan da aldaǵy úsh kúnde Qazaqstannyń shyǵys jartysynda qysqa merzimdi jańbyr jaýady, ol shyǵys jáne soltústik-shyǵys oblystarda kúsheıip, tipti burshaq jaýýy da múmkin. Jel kúsheıip, aýa temperatýrasy tómendeıdi.
Batys jáne ońtústik-batys óńirlerdegi aptap ystyq az ýaqyt báseńdeıdi, artynsha Irannan ystyq aýa aǵynynyń kelýine baılanysty taǵy da 40...43 gradýsqa deıin kóteriledi.
