Elimizde aqyly avtoturaqtarda tarıf ózgere me
NUR-SULTAN. QazAqparat – «Astana turaq keńistigi» JShS dırektory Shyńǵys Dosybaev elordadaǵy aqyly avtoturaqtardaǵy tarıfke qatysty pikir bildirdi, dep habarlaıdy QazAqparat tilshisi.
«Nur-Sultan qalasynda kommýnaldyq-aqyly avtoturaq oryndaryna tarıfterdi ózgertý josparda joq. Tarıfti ózgertý statıstıkalyq málimetterge baılanysty, álemdik tájirıbede tarıfti ózgertý yqpal etý tetigi retinde padalanylady. Kólik quraldary óte kóp shoǵyrlanǵan tıisti aýmaqtar bar. Ol jerlerde bos turaq oryndaryn uıymdastyrý úshin saralanǵan tarıf engiziledi. Mysaly, Máskeý qalasyndaǵy «Máskeý Sıtı» aýdanynda turaqtyń quny saǵatyna 400 rýblge deıin jetedi. Bul óz kezeginde turaqta bos oryndardar bolýy úshin jasalýda», - dedi Shyńǵys Dosybaev.
Onyń sózine qaraǵanda, bul máselede turaqtaǵy aınalymdy jáne bos oryndardy qamtamasyz etý negizgi maqsat bolyp otyr.
«Eger de tólem quny tómen bolsa, onda kólik ıesi avtomobıldi sol jerde uzaq ýaqytqa qaldyryp ketedi. Bul óz kezeginde basqa turǵyndarǵa qolaısyzdyq týdyrady. Al saralanǵan tarıfti engizý máselesine toqtalsaq, bizde jaqyn arada bul rejım iske qosylmaıdy», - dedi Sh. Dosybaev.
Aıta keteıik, búginde elordada aqyly avtoturaqtyń quny saǵatyna 100 teńge turady.
