Elimizde aǵzasyn aýystyrýǵa muqtaj jandardyń sany 5 myńǵa jetti
ASTANA. 27 tamyz. QazAqparat - Elimizde bir dene múshesiniń dertke shaldyǵýy saldarynan ómiri qyl ústinde turǵan, aǵzasyn aýystyrýǵa muqtaj jandar sany 5 myńǵa jetti, dep habarlaıdy 24.kz.
Bireýleri júrek aýystyrýǵa muqtaj bolsa, endi bireýleri baýyrǵa, búırekke zárý. Osyǵan oraı qaıtys bolǵannan keıin donor bolýǵa kelisimin berýshilerdiń sany da artýda. Osy máselelerdi jolǵa qoıý maqsatynda 2014 jyly birińǵaı júıe iske qosylmaq.
2014 jyldan bastap, elimizde donorlar tizimi jasalady. QR Densaýlyq saqtaý mınıstrligi osyndaı sheshim qabyldap otyr. Onda ár adam erikti túrde donor bolý úshin qalalyq emhanalardyń birinde tirkele alady. Sondaı-aq, bul júıe elektrondy Úkimet saıtynda da iske qosylady. Al transplantologııa ortalyǵy qajetti saraptamalar jasap, organdardy aýystyrý qyzmetin uıymdastyrady.
Aldaǵy ýaqytta otandyq transplantologtar Baltyq elderimen organ almasý týraly shart jasasýdy josparlap otyr. Mundaı sheshim donorlyq organdar keńistigin ulǵaıtyp, kóp adamnyń ómirin saqtap qalýǵa múmkindik beredi.
