Elimizde advokattarǵa qatysty shaǵymdardyń jıilep ketýiniń sebebi aıtyldy
ASTANA. QazAqparat - Respýblıkalyq advokattar alqasynyń tóraǵasy Ánýar Túgeldiń paıymynsha, sottarda qaralatyn isterdiń kólemi artqandyqtan, qazaqstandyqtardyń advokattarǵa qatysty shaǵymdary da jıilep ketti. Bul týraly ol Májilistegi Úkimet saǵatynda málim etti, dep habarlaıdy QazAqparat.
«Birneshe baıandamalar barysynda qorǵaýshylarǵa qatysty shaǵymdar artqandyǵy aıtyldy. Bul rette bizde sottarda qaralatyn ister sany artyp keledi, sáıkesinshe advokattarǵa da shaǵymdar kólemi de joǵarylaıdy. Bunyń negizdiligi - ol sýbektıvti másele. Sonymen qatar óz tarapymyzdan shaǵymnyń qanshalyqty negizdi ekenin qarastyramyz», - dedi Á. Túgel.
Onyń sózine qaraǵanda, eger de apellıatsııalyq ári kassatsııalyq shaǵymdar ýaqytyly daıyndalmasa, sot protsesterine kedergi keltirse, ıaǵnı sot otyrysyna ýaqytynda kelmeı, ádepsiz is-qımyldarǵa jol berse, onda osyndaı advokattar jazalanady. Ótken jyly alqadan bes qorǵaýshy shyǵarylǵan. Birqatar advokattar tártiptik jaýapkershilikke tartylyp, olarǵa sógiske jáne eskertý jasaldy.
Úkimet saǵaty barasynda QR Ádilet mınıstri Marat Beketaev Qazaqstanda qorǵaýshylar jetispeıtindigin aıtty.
«Elimizde qorǵaýshylardyń tapshylyǵy qalyptasyp otyr. Osyndaı qyzmetterge muqtaj azamattar ony tıisti deńgeıde almaýda nemese qyzmettiń quny tym joǵary », - deıdi vedomstvo basshysy.
