Elimizde adamdarǵa koronavırýstyń qaıta juǵýy tirkelgen joq
NUR-SULTAN. QazAqparat – QR DSM Taýarlar men qyzmetterdiń sapasy men qaýipsizdigin baqylaý komıtetiniń juqpaly aýrýlardy epıdemıologııalyq qadaǵalaý basqarma basshysy Roza Qojapova elimizde adamdarǵa koronavırýstyń qaıta juǵýy faktisi tirkelmegenin aıtty, dep habarlaıdy QazAqparat tilshisi.
«Qazaqstanda koronavırýs ınfektsııasyn qaıta juqtyrý jaǵdaılary tirkelmedi. Bul jańa ınfektsııa bolǵandyqtan, onyń qaıtadan juǵýy múmkindigi týraly naqty aıta almaımyz. Ókinishke qaraı, bul suraqqa eshbir elde naqty jaýap berilmeı otyr. Osy oraıda koronavırýspen aýyrǵan adam uzaq baqylaýda bolǵan kezde ǵana anyqtalýy yqtımal», - dedi R. Qojapova Ortalyq kommýnıkatsııalar qyzmetinde.
Budan buryn habarlanǵandaı, Roza Qojapova QR Bas memlekettik sanıtarııalyq dárigeriniń № 53 qaýlysyna túsinik berdi.
Demalys jáne mereke kúnderindegi shekteý sharalaryna toqtalsaq, saýda úıleri, saýda oıyn-saýyq ortalyqtarynyń jumysyn toqtata turý burynǵysynsha saqtalady. Odan basqa, jabyq azyq-túlik jáne azyq-túlik emes bazarlarynyń jumysyn toqtata turý boıynsha shekteý sharalary da saqtalady.
