Elimizde 98 myńnan astam jolaýshy áıelder vagonynda saparlaǵan

ASTANA. QazAqparat – Bir jylda áıelderge arnalǵan vagondar qyzmetin 98 myńnan astam jolaýshy paıdalandy, dep habarlaıdy QazAqparat «Qazaqstan temir joly» UK» AQ-ǵa silteme jasap.

2021 jyldyń qazan aıynda QTJ pılottyq rejımde áıelder vagondary bar alǵashqy poıyzdardy iske qosqan bolatyn.

«Osy ýaqyt ishinde qyzmetti 98 myńnan astam jolaýshy paıdalandy. Áıelderden basqa, mundaı vagondarda jeti jasqa deıingi uldar da júre alady», - dedi kompanııanyń baspasóz qyzmetinen.

Qazir áıelder vagony kelesi baǵyttaǵy poıyzdarda bar:

1) № 77/78 «Almaty – Mańǵystaý» (№7 vagon);

2) № 351/352 «Almaty – Óskemen» (№10 vagon);

3) № 45/46 «Pavlodar-Shymkent» (№9 vagon);

4) № 37/38 «Mańǵystaý – Semeı « (№9 vagon);

5) № 47/48 «Atyraý – Astana» (№7 vagon);

6) № 379/380 «Almaty-2 – Oral» (№10 vagon).

Málim etilgendeı, áıelder vagondaryna bılet baǵasynda erekshelik joq. Bıletti BILET RAILWAYS.KZ veb-saıtynan nemese «Jolaýshylar tasymaly» AQ bılet kassalarynan satyp alýǵa bolady.