Elimizde 96 mıllıon gektar jerge zertteý júrgizildi
«QR Aýyl sharýashylyǵy mınıstrligi elimizdiń agroónerkásiptik keshenin damytýdyń ózekti baǵyttarynyń biri resýrs únemdi eginshilikti damytýdy, jaıylymdardy utymdy paıdalanýdy, jaıylymdardy sýlandyrý jáne olardyń tozýy men shóleıttenýine qarsy kúres jónindegi is-sharalardy júrgizýdi qarastyryp jatyr. Jer resýrstaryn utymdy paıdalaný aýyl sharýashylyǵynda jáne tutastaı el ekonomıkasynda úlken mańyzǵa ıe. Aýyl sharýashylyǵynda ónim alý jerdiń sapalyq jaǵdaıymen, ony paıdalaný sıpaty men jaǵdaıyna tikeleı baılanysty. Vedomstvo júıeli negizde jerdiń topyraqtyq jáne geobotanıkalyq zertteýin júrgizedi. 2017 jyldan bastap 2021 jylǵa deıin 33 mln gektar alańda aýqymdy topyraq zertteýleri, 33 mln gektar alańda geobotanıkalyq zertteýler jáne 30 mln gektar alańda topyraq bonıtırovkasy júrgizildi», - delingen mınıstrlik málimetinde.
Júrgizilgen jumystar qarashiriktiń, jalpy fosfor men azottyń, kalıı men fosfordyń jyljymaly qosylystarynyń quramyn, qyshqyldyǵyn nemese siltiligin, sortańdanýyn, karbonattyǵyn, tuzdanýyn jáne topyraqtyń mehanıkalyq quramyn (jer qunarlylyǵynyń kórsetkishteri) anyqtaýǵa múmkindik berdi. Olardy bilý aýyl sharýashylyǵymen aınalysý kezinde qajet.
Derekter negizinde arnaıy attestattalǵan zerthanalarda júrgiziletin muqııat taldaýlar arqyly ázirlengen jerdi utymdy paıdalaný úshin qajetti usynymdar qalyptastyryldy. Jerdi utymdy paıdalaný jónindegi usynymdar qamtylǵan túsindirme jazbalary bar barlyq materıaldar men derekter odan ári paıdalaný úshin turaqty negizde oblystyq jáne aýdandyq ákimdikterdiń jer qatynastary jónindegi ýákiletti organdaryna beriledi.
