Elimizde 9 myńnan astam kelinshek bedeýlikten zardap shegedi
«Memleket basshysy Qazaqstan halqyna Joldaýynda Densaýlyq saqtaý mınıstrliginiń aldyna 11 tapsyrma júktedi. Olar buǵan deıin tyńǵylyqty talqylandy. Tek EKO-ǵa kvotany arttyrýǵa ǵana toqtalǵym keledi. Prezıdent Úkimetke kelesi jyldan bastap «Ańsaǵan sábı» baǵdarlamasyn iske qosýdy jáne EKO baǵdarlamasy boıynsha kvota sanyn 7 myńǵa deıin arttyrýdy tapsyrdy», - dedi ol Ortalyq kommýnıkatsııalar qyzmetindegi baspasóz máslıhatynda.
Onyń dereginshe, EKO baǵdarlamasy elimizde 2010 jyldan bastap medıtsınalyq kómektiń kepildendirilgen kólemine qosylǵan. Búginde elimizde 26 EKO ortalyq jumys isteıdi. Onyń 21-i jekemenshik sanalady.
«Qazirgi ýaqytta osy ádispen 22 myńnan astam bala dúnıege keldi. Elektrondy densaýlyq saqtaý respýblıkalyq ortalyǵynyń aqparattyq júıesine sáıkes, bedeýlikpen esepte 9 467 áıel tur», - dedi Baǵdat Qojahmetov.
