Elimizde 9 mln. gektar jer paıdalanylmaı bos tur - Elbasy
ASTANA. QazAqparat - Elimizde 9 mln. gektar jer paıdalanylmaı bos tur. Búgin Aqordada qaıta jasaqtalǵan Úkimettiń alǵashqy keńeıtilgen otyrysynda QR Prezıdenti Nursultan Nazarbaev osylaı málim etti.
Eske salaıyq, jıyn barysynda Elbasynyń saılaý aldynda jarııalaǵan bes halyqtyq reformasyn júzege asyrý máseleleri talqylanýda.
«Bes reforma aıasyndaǵy mańyzdy baǵyt - ındýstııalandyrý men ekonomıkalyq ósim. Bul rette reformalar ekonomıkalyq qatynastardyń keń aýqymyn qamtýy kerek. Ol tabıǵı resýrstardan bastalyp, tabıǵı monopolııalarmen aıaqtalady»,- dedi N. Nazarbaev.
Sonymen qatar, Elbasy Qazaqstanda aýyl sharýashylyǵy elimizdiń tarıhı basymdyǵy ekenin jetkizdi. «Alaıda, jer qatynastaryn retteýdiń tıimsizdigi, onyń eskirýi jerge qatysty áleýettiń bárin shektep otyr. Jaqynda júzege asqan jerdi túgendeý (ınventerızatsııa) barysynda elimizdegi 9 mln. gektar jerdiń paıdalanylmaı bos turǵany anyqtaldy. Búkil álemde azyq-túlikti qalaı ósiremiz dep jantalassa, bizde toǵyz mıllıon gektar aınalymnan shyǵyp qalǵan», - dedi Memleket basshysy.
