Elimizde 9 mln-ǵa jýyq adam jumys isteıdi
Onyń ishinde qalalyq jerde jumyspen qamtylǵandar úlesi 4,6%-ǵa, (5,5 mln adam), al aýyldyq jerlerde bir jyl ishinde 2,4%-ǵa (3,5 mln adam) deıin tómendegeni baıqaldy, dep habarlaıdy QazAqparat tilshisi Finprom.kz resýrsyna silteme jasap.
Elimizde jumys isteýshilerdiń 94,5%-y bir jerde ǵana eńbek etedi. 4,2%-y negizgi jumysta, jeke kásip jáne qosymsha jumysta, taǵy 1,3%-y negizgi jáne qosymsha túrde eńbek etedi.
Kásiptik bilim deńgeıi boıynsha 4 mln adamnyń joǵary jáne joǵary oqý ornynan keıingi bilimi, 4,4 mln adamnyń tehnıkalyq jáne kásiptik bilimi, 582,6 myń adamnyń bastaýysh, negizgi, jalpy orta bilimi bar.
Jumyspen qamtylǵandardyń ishinde 6,8 mln adam jaldamaly qyzmetker, 1,6 mln adam jeke kásipker, 498,1 myń adam táýelsiz qyzmetker, 19,8 myń adam jeke praktıkamen aınalysatyn adamdar, 5,8 myń adam sharýashylyq seriktestikter (qatysýshylary) jáne aktsıonerlik qoǵamdyq uıymnyń quryltaıshylary, aktsıonerleri (qatysýshylary), sondaı-aq óndiristik kooperatıvterdiń músheleri.
Óńirlerge kelek, eń kóp jumyspen qamtylǵandar Almatyda 1 mln adam, bul ótken jylmen salystyrǵanda 2,2%-ǵa artyq. Odan ári TOP-3 óńirge Túrkistan oblysy (793,8 myń adam, jylyna 2,1%) jáne Almaty oblysy (677,9 myń adam, mınýs 30,2%) kiredi. Eń az jumyspen qamtylǵandar Ulytaý oblysy (101,7 myń adam), SQO (277,2 myń adam) jáne Abaı oblysynda (287,1 myń adam).
Kásiptik salaǵa kelsek, eń kóp jumyspen qamtylǵandar kóterme jáne bólshek saýda salasynda, sondaı-aq avtojóndeýde bar (1,5 mln adam).
Sonymen qatar halyq jumyspen jaqsy qamtylǵan negizgi úsh salaǵa bilim, aýyl, orman jáne balyq sharýashylyǵy kiredi.
Suranysqa ıe emes qyzmet salalary arasynda sýmen jabdyqtaý, óner, oıyn-saýyq jáne demalys sektory, sondaı-aq elektrmen jabdyqtaý bar.
