Elimizde 82,7 myń zeınetker áli de jumys istep júr
Ranking.kz portalynyń málimetinshe, 2022 jyldyń úshinshi toqsanynyń qorytyndysy boıynsha áli jumys istep júrgen zeınetkerlerdiń sany 82,7 myń adamdy qurady. Bul jas sanatyndaǵy qyzmetkerler sany birden ósken ýaqyt 2020 jyl boldy. Ol kezde jumys isteıtin zeınetkerler sany birden 21,7 myńǵa - 65,3 myńnan 87 myń adamǵa jetken. 2021-2022 jyldary kórsetkish azdap tómendegen.
Degenmen, bul kórsetkishter tómendetilip kórsetilgen bolýy da múmkin. QR SJRA Ulttyq statıstıka bıýrosynyń óńirler boıynsha málimetterin egjeı-tegjeıli qarastyrǵan kezde, resmı túrde, BQO, Túrkistan oblysy, Astana jáne Shymkent qalalarynda 65 jastan asqan jumys isteıtin zeınetkerler joq ekeni belgili boldy.
2022 jyldyń úshinshi toqsanynyń qorytyndysy boıynsha, 65 jastan asqan jumys isteıtin zeınetkerler sany ár óńirde ár qıly. Negizgi úrdis: osy sanattaǵy qazaqstandyqtardyń kópshiligi soltústik jáne ortalyq óńirlerde turady. Resmı eskerilgenderdiń jartysyna jýyǵy (49 paıyzy) Qostanaı (20,9 myń adam) jáne Aqmola (20 myń adam) oblystarynda. Sondaı-aq Qaraǵandy (9,4 myń adam), Pavlodar (10,4 myń adam) jáne Soltústik Qazaqstan (10,8 myń adam) oblystarynda da barshylyq. Qalǵan óńirlerde kórsetkishter aıtarlyqtaı tómen. Al eń az Qyzylorda jáne Mańǵystaý oblystarynda kórsetkish sáıkesinshe nebári - 115 jáne 244 adam.
Osy jas sanatyndaǵy barlyq jumys isteıtin zeınetkerlerdiń 75 paıyzdan astamy aýyl, orman jáne balyq sharýashylyǵynda (62,4 myń adam) jumys isteıdi. Ekonomıkalyq qyzmettiń barlyq basqa túrleriniń kórsetkishteri olarmen salystyrǵanda az. 4 paıyzy qoımalarda nemese júrgizýshi (3,6 myńnan astam azamat) bolyp jumys istese, 3 myń adam dáriger men basqa da medıtsına qyzmetkeri bolyp júr. 2019 jylǵy «koronadaǵdarys» aldyndaǵy ýaqytpen salystyrǵanda zeınetke shyqqan dárigerlerdiń sany 57,9 paıyzǵa ósti. Qurylys (2,2 myń) jáne ónerkásip (2,3 myń) sııaqty qıyn salalarda 65 jastan keıin de jumys istep jatqan azamattar kóp.
