Elimizde 800 myńnan astam adam fýtbolmen júıeli aınalysady

ASTANA. QazAqparat – 800 myńnan astam qazaqstandyq fýtbolmen turaqty aınalysady. Bul týraly Mádenıet jáne sport mınıstrligi Sport jáne dene shynyqtyrý komıtetiniń tóraǵasy Erbol Myrzabosyn málim etti, dep habarlaıdy QazAqparat tilshisi.

«Fýtbol - álemdegi eń tanymal sport túri. Elimizde 800 myńnan astam adam fýtbolmen júıeli túrde aınalysady. Memleket basshysy halyqqa joldaýynda balalar jáne buqaralyq sportqa asa kóńil bólý kerektigin aıtty. Búgin qurylyp jatqan fýtboldan jańa jasóspirimder lıgasy sportshylardyń buqaralyqtan kásibı sportqa kóshýine yqpal etedi. Mádenıet jáne sport mınıstrligi tarapynan fýtboldan jasóspirimder lıgasyn joǵary deńgeıde ótkizý úshin barlyq qajetti sharalar qabyldanatyn bolady», – dedi Erbol Myrzabosynov elordada ótken baspasóz máslıhatynda.

Buǵan deıin habarlaǵanymyzdaı, elimizde fýtboldan jańa jasóspirimder lıgasy quryldy.

Lıgaǵa elimizdiń barlyq óńirinen jas fýtbolshylar qatysady. Týrnırdiń birinshi maýsymyna 18 jasqa deıingi 12 komanda qatyspaq.

Fýtboldan jasóspirimder lıgasynyń alǵashqy matchy 22 sáýirde «Astana Arena» sport kesheninde saǵat 17:00-de bastalady.