Elimizde 8 myńnan astam temirjolshy koronavırýs vaktsınasyn aldy

NUR-SULTAN. QazAqparat - Tek sońǵy aptada 2 450 temirjolshy egildi. Vaktsınatsııadan ótken qyzmetkerlerdiń barlyǵynyń jaǵdaıy jaqsy, janama áser baıqalmaǵan, dep habarlaıdy QazAqparat «Qazaqstan temir joly» UK» AQ-nyń Telegram kanalyna silteme jasap.

Ulttyq kompanııanyń málimetinshe, 13 mamyrdaǵy jaǵdaı boıynsha «QTJ» UK» AQ-da segiz myńnan astam qyzmetker COVID-19-ǵa qarsy ekpe alǵan.

«Ekpe qabyldaý qarqyny boıynsha «QTJ-Júk tasymaly» JShS kósh bastap tur, ol mekemede 3 800-den astam qyzmetker vaktsına aldy. Magıstraldyq jeli dırektsııasynda 2,5 myńnan astam adam, «Jolaýshylar tasymaly» AQ 600-ge jýyq qyzmetker vaktsınatsııadan ótti», delingen habarlamada.

Eń belsendi vaktsınatsııalaý kompanııanyń Aqtóbe oblysy, Nur-Sultan jáne Shymkent qalasyndaǵy mekemelerinde júrgizilip jatyr. Osy aımaqtardaǵy ulttyq kompanııa qurylymdyq bólimshelerinde jumys isteıtin myńnan astam temirjolshy vaktsınanyń kem degende bir dozasyn aldy.

Tizim basyndaǵy óńir qataryna 900-ge jýyq bolat magıstral qyzmetkeri egilgen Almaty qalasy da jaqyndap keledi.