Elimizde 8 myńnan astam medıtsına mamany jetispeıdi

ASTANA. QazAqparat – 2023 jyldyń birinshi jartyjyldyǵynda medıtsına kadrlaryna tapshylyq 8 836 mamandy qurady. Bul jaıynda Densaýlyq saqtaý mınıstrliginen málim etti, dep habarlaıdy QazAqparat tilshisi.

«2023 jyldyń birinshi jartyjyldyǵynda medıtsına kadrlaryna tapshylyq 8 836 shtattyq birlikti (dárigerler – 4 619, orta medıtsınalyq qyzmetkerler – 4 216) qurady. Tapshylyq 31 paıyzǵa (dárigerler boıynsha – 27, orta medıtsına qyzmetkerleri boıynsha – 36) tómendedi», - dep atap ótti mınıstrlikten agenttiktiń resmı saýalyna oraı.

Osy oraıda vedomstvo medıtsınalyq kadrlar tapshylyǵy Almaty, Atyraý, Jambyl, Qyzylorda, Mańǵystaý oblystary men Astana qalasynda tómendegenin atap ótedi. Degenmen, anestezıolog-reanımatolog (233 maman qajet), akýsher-gınekolog (268), jalpy tájirıbe dárigeri (392), sáýlelik dıagnostıka dárigeri (230) syndy klınıkalyq beıindegi mamandar tapshylyǵy joǵary bolyp tur.