Elimizde 7 myńǵa jýyq áıel áskerde qyzmet etip júr

ASTANA. QazAqparat – Qazaqstan Respýblıkasynyń Qarýly kúshterinde 7 myńǵa jýyq názik jan kelisimshart boıynsha eńbek etedi, dep habarlaıdy QazAqparat tilshisi.

Onyń kópshiligi qatardaǵy jaýynger, serjanttyq jáne ofıtserlik qyzmet atqarady.

Onyń ishinde 800-ge jýyq ofıtser, 2 myńǵa jýyq serjant jáne 4 myńǵa jýyq qatardaǵy jaýynger bar.

«Jeti áıel joǵary laýazymdarda. Atap aıtqanda, Qorǵanys mınıstriniń kómekshisi, Qorǵanys mınıstrligi departamenti bastyǵynyń orynbasary, qorǵanys isteri jónindegi departament bastyǵynyń orynbasary, áskerı gospıtal, baza, ortalyq jáne lazaret bastyǵynyń orynbasary», - delingen Qorǵanys mınıstrliginiń QazAqparat agenttiginiń resmı saýalyna berilgen jaýapta.

Aıta keteıik, búgin elimizde Otan qorǵaýshy kúni atalyp ótip jatyr.

Sondaı-aq, búgin QR Qarýly Kúshteriniń qurylǵanyna 31 jyl toldy.