Elimizde 7,9 mıllıon adam jumyspen qamtylǵan
ASTANA. Qańtardyń 12-si. QazAqparat - Aldyn ala derekter boıynsha 2009 jylǵy tórtinshi toqsanda respýblıka ekonomıkasynda 7,9 mln. adam jumyspen qamtylǵan.
Bul aqparatty QR Statıstıka agenttiginiń baspasóz qyzmeti taratyp otyr.
Vedomstvonyń habarlaýynsha, elimizdegi jaldamaly qyzmetkerlerdiń sany 5,3 mln., jumyssyzdar - 531,8 myń adam bolsa, al jumyssyzdyq deńgeıi 6,3 paıyzdy quraǵan.
Qazaqstan Respýblıkasy Eńbek jáne halyqty áleýmettik qorǵaý mınıstrliginiń jumyspen qamtý organdarynda 2009 jylǵy jeltoqsannyń sońynda 53,4 myń adam resmı tirkelgen. Tirkelgen jumyssyzdardyń úlesi ekonomıkalyq turǵydan belsendi halyqtyń 0,6 paıyzyn quraǵan.
