Elimizde 687,5 myń adamnyń tabysy eń tómengi kúnkóris deńgeıinen tómen
ASTANA. 18 qyrkúıek. QazAqparat -Statıstıka agenttiginiń málimetterine qaraǵanda, úı sharýashylyqtaryn zertteý derekteri boıynsha Qazaqstan Respýblıkasyndaǵy tabysy eń tómengi kúnkóris deńgeıiniń shamasynan tómen halyqtyń úlesi 2012 jylǵy 2 toqsanda 4,1 paıyzdy (687,5 myń adamdy) qurady.
Bul ótken jylǵy tıisti kezeńnen 1,8 paıyzdyq tarmaqqa tómen.
Aýyldyq jerdegi tabysy eń tómengi kúnkóris deńgeıinen tómen halyqtyń úlesi qalalyq jerdegi tabysy eń tómengi kúnkóris deńgeıinen tómen halyqtyń úlesinen 3 esege deıin artyp, 6,4 paıyzdy, ıaǵnı 487,3 myń adamdy qurady. 2012 jylǵy 2 toqsanda tabysy eń tómengi kúnkóris deńgeıinen tómen halyqtyń basym úlesi Jambyl (7,6 paıyz), Ońtústik Qazaqstan (6,9 paıyz) jáne Soltústik Qazaqstan (5,9 paıyz) oblystaryna keledi. A eń az úlesi Almaty (0,5 paıyz), Astana (1,1 paıyz) qalalarynda jáne Qaraǵandy jáne Aqtóbe oblysynda (2,6 paıyz) baıqalady.
