Elimizde 682 polıtsııa qyzmetkeri qyzmet barysynda kóz jumdy
ASTANA. 27 maýsym. QazAqparat - QR Іshki ister mınıstrligi Qazaqstan polıtsııasynyń qurylǵanyna 20 jyl tolýyna oraı «Estelik kitaby» degen taqyryppen qyzmettik boryshyn óteý kezinde qaza tapqan tártip saqshylary týraly estelikter jınaǵyn basyp shyǵardy.
Kitapty qurastyrǵan «QR ІІO Medıa-ortalyǵy» JShS-nyń bas dırektory Almas Sadýbaevtyń aıtýynsha, estelik kitap Іshki ister mınıstri, general leıtenant Qalmuhanbet Qasymovtyń tikeleı tapsyrmasy boıynsha jaryq kórdi. Jınaq 28 bólimnen, 272 betten turady. Onda qyzmetin oryndaý barysynda qaza bolǵan 234 qyzmetkerdiń aty-jóni men qysqasha ómirbaıany berilgen. Al negizinen, táýelsizdiktiń 20 jylynda el tynyshtyǵy men qoǵam qaýipsizdigi úshin janyn pıda etken polıtseılerdiń sany 682-ge jetip jyǵylady. Kitaptyń 140-ynshy betinde Halyq qaharmany Ǵazız Baıtasov týraly tolyq málimetter bar.
«Biz munymen toqtap qalmaımyz. Eli úshin erlikpen qaza tapqan qyzmetkerlerdiń barlyǵyn qamtý úshin jınaqty jalǵastyratyn bolamyz», - deıdi A. Sadýbaev.
