Elimizde 655 alǵashqy medıtsınalyq kómek nysany salynbaq
«Memleket basshysynyń tapsyrmasy boıynsha aýyl turǵyndarynyń densaýlyq jaǵdaıyn jaqsartýǵa arnalǵan «Aýyldyq densaýlyq saqtaýdy jańǵyrtý» jobasy ázirlendi. Joba eki mindetti qamtıdy. Birinshiden, jetispeıtin alǵashqy medıtsınalyq-sanıtarııalyq kómek uıymdaryn, ıaǵnı medıtsınalyq pýnktterdi, dárigerlik ambýlatorııalardy salý arqyly barlyq eldi mekendi medıtsınalyq ınfraqurylymmen qamtamasyz etý. Bul óz kezeginde aýyldaǵy medıtsınalyq qyzmetterdiń, onyń ishinde profılaktıkalyq tekserýlerdiń, skrınıngterdiń sapasyn arttyrýǵa, sondaı-aq aýrýlardy erte anyqtaýǵa jáne patsıentke qashyqtan kórsetiletin qyzmetterge, medıtsınalyq ońaltýǵa, onyń ishinde úıde tekserýge baǵdarlanǵan jańa tásilderdi engizýge múmkindik beredi», - dedi A. Ǵınııat aýyldaǵy densaýlyq saqtaý máselesin talqalýǵa arnalǵan Úkimet saǵatynda.
Ekinshiden, zamanaýı medıtsınalyq quraldarmen jabdyqtalǵan negizgi 5 ortalyqty qosymsha ornalastyra otyryp, zamanaýı kópbeıindi aýdanaralyq ortalyq aýrýhanalar jelisin uıymdastyrý eskerilgen. Osy oraıda aýyl turǵyndaryna der kezinde shuǵyl jáne mamandandyrylǵan medıtsınalyq kómek kórsetýdi joǵarlatýǵa múmkindik beredi.
Onyń sózine qaraǵanda, óńirlerdiń ákimdikterimen birlesip 655 medıtsınalyq-sanıtarııalyq alǵashqy kómek nysanynyń, sonyń arasynda 253 medıtsınalyq pýnkttiń, 160 – dárigerlik ambýlatorııa men 242 feldsherlik-akýsherlik pýnkttiń qurylysy boıynsha daıyndyq jumystary bastaldy.
«Eskızdik joba, bas jospar, jumys jobasy ázirlendi. Jobalaý úshin jer ýchaskelerin tańdaý júrgizilip jatyr», - dedi mınıstr.
Vedomstvo basshysy ınsýlt jáne kardıologııalyq, reanımatsııa jáne qarqyndy terapııa, hırýrgııa, travmatologııa jáne ońaltý bólimshelerin ashý josparlanyp otyrǵanyn aıtty.
«Sondaı-aq aýdandyq ortalyq aýrýhanany zamanaýı medıtsınalyq jabdyqtarmen (KT, MRT, angıograf, ýltradybystyq zertteý, endoskopııalyq, reanımatsııalyq, medıtsınalyq ońaltýǵa arnalǵan jabdyqtar) jaraqtandyrý jáne kúrdeli jóndeý jumystaryn júrgizý kózdelgen. Boljam boıynsha joba 206,5 mlrd teńge kóleminde qarjylandyrýdy talap etedi. Jobany iske asyrý nátıjesinde aýyl turǵyndaryna medıtsınalyq kómek deńgeıi artady, «altyn saǵat» prıntsıpin saqtaı otyryp, aýyl turǵyndaryna shuǵyl medıtsınalyq kómek kórsetý qamtamasyz etiledi. Munymen qosa, qanaınalym júıesi aýrýlarynan bolatyn ólim a tómendeıdi», - dedi mınıstr.
