Elimizde 65 myńnan astam polıtsııa qyzmetkerine vaktsına egildi
NUR-SULTAN. QazAqparat - Іshki ister organdary qyzmetkerlerine vaktsınatsııa erikti túrde júzege asyrylady. Bul týraly QR Іshki ister mınıstrligi ótkizgen tikeleı efırdegi brıfıngide aıtyldy, dep habarlaıdy QazAqparat tilshisi.
Іshki ister mınıstrligi Materıaldyq-tehnıkalyq qamtamasyz etý departamentiniń bastyǵy Qaısar Sultanbaevtyń málimdeýinshe, polıtsııa qyzmetkerleri ózderiniń qyzmettik mindetterinde qylmystardy ashqanda jáne tergeý kezinde, oqıǵa bolǵan jerdi qaraý kezinde, jaýap alý, qyzmettik qońyraýlar ótkizý, jol qaýipsizdigin qamtamasyz etý, sondaı-aq sanıtarlyq beketterde qyzmet etý jáne karantındik sharalarǵa qatysý kezinde turǵyndarmen únemi baılanysta bolady.
«Árıne, olar COVID-19-ben aýyrý qaýpi bar. Sondyqtan, ishki ister organdarynyń qyzmetkerleri, sondaı-aq medıtsına qyzmetkerleri koronavırýsqa qarsy vaktsına egýdiń negizgi tobyna kiredi», - deıdi Sultanbaev.
Jalpy, búgingi kúnge deıin 65 myńnan astam polıtsııa qyzmetkeri COVID-19-ǵa qarsy vaktsına aldy.
