Elimizde 647 myńǵa jýyq azamat turǵyn úı kezeginde tur
«Memlekettik qordan turǵyn úıdi alýdyń jalpy tártibi «Turǵyn úı qatynastary týraly» Zańmen retteledi. Turǵyn úı alýǵa kezekke qoıý, kezekten shyǵarýdy ákimdik júzege asyrady. Búginde ákimdikterde 646 819 adam kezekte tur. Kezekke qoıý úshin azamattyń jáne otbasy músheleriniń sońǵy 5 jylda jyljymaıtyn múlki bolmaýy tıis. Sonymen qatar, respýblıkalyq mańyzy bar 3 qalada – Astana, Almaty jáne Shymkentte keminde 3 jyl turaqty tirkeýde turýy qajet. Munan bólek, halyqtyń áleýmettik jaǵynan osal toptary úshin tabys 3,1 eselengen mólsherdegi kúnkóris mınımýmynan aspaýy kerek», - dedi ol Ortalyq kommýnıkatsııalar qyzmetindegi baspasóz máslıhatynda.
Onyń atap ótýinshe, sońǵy jyldary turǵyn úı kezeginde turýshylardyń qatary óte qarqyndy túrde ósip kele jatyr.
«Máselen, sońǵy 10 jylda kezek 6 esege ulǵaıdy. Bul halyqtyń arasynda masyldyq kóńil-kúıdiń beleń alǵanyn bildiredi. Buǵan qosa, ákimdikter jyl saıyn kezektegilerdiń tizimin túgendep otyrýy nemese qarapaıym tilmen aıtqanda tazalaýy qajet», - dedi Baýyrjan Qabdol.
Komıtet tóraǵasy orynbasarynyń aıtýynsha, ákimdik jyl saıyn baspanaǵa muqtaj adamdar tizimin ózektendiredi. Sebebi, azamattar óz betimen turǵyn úı alyp ne basqa eldi mekenge qonys aýdarýy múmkin.
