Elimizde 600 myń adam aýyzsýǵa muqtaj - Álıhan Smaıylov

ASTANA. QazAqparat – Elimizde 600 myńnan astam adam taza aýyzsý máselesin sheshýdi talap etedi. Úkimet otyrysynda Premer-Mınıstr Álıhan Smaıylov osyndaı derek keltirdi, dep habarlaıdy QazAqparat tilshisi.

Bizdiń aldymyzda 2025 jyldyń sońyna deıin halyqtyń 100% taza aýyzsýmen qamtamasyz etý mindeti tur. Qazir bul kórsetkish qalalarda - 98%, aýyldyq eldi mekenderde 94% qurap otyr.
Asa mańyzdy jumystardyń biri – eldegi sý resýrstarynyń tapshylyǵyn sheshý.
Prezıdent elimizdiń áleýmettik-ekonomıkalyq damý máseleleri jónindegi keńeste atap ótkendeı, Qazaqstan 2050 jylǵa qaraı «sýǵa óte muqtaj» elderdiń sanatyna kirýi múmkin.
Qazir elimizde 600 myńnan astam adam taza aýyzsý máselesin sheshýdi talap etedi», - dedi Úkimet basshysy.
Sondaı-aq Á.Smaıylov ózge óńirlerdi qoıyp, Astananyń ózinde sý tapshylyǵy qatty sezile bastaǵanyn eske saldy.
«Bul rette, sýdy únemdeý mańyzdy másele bolyp otyr. Ókinishke qaraı, kóptegen azamattarymyz sýdy únemdegisi kelmeıdi. Bul máseleni sheshý úshin salany tsıfrlandyrý jáne tıimdi tarıfterdi engizý qajet.
Osy máseleniń bárin jańa Sý kodeksi men baǵdarlamalyq qujattardy daıyndaý kezinde eskerý qajet», - dedi Álıhan Smaıylov.