Elimizde 600-den astam terrorıst túrmede jazasyn ótep júr
«Terrorızm qaýpi reıtınginde Qazaqstan 135 el ishinde 93-shi orynda tur. El ındeksi 0,901 qurady. Bul kórsetkish táýekeldiń óte tómen deńgeıine jatady. Alaıda, 2016 jyly Qazaqstan birneshe ret terrorısterdiń shabýylyna ushyrady jáne Qazaqstan azamattary úshin bul úlken silkinis boldy. Sonymen qatar, sońǵy onjyldyqtaǵy úrdis uıymdasqan qylmystyq toptardyń ıslamshyl radıkaldy uıymdarmen ózara is-qımylynyń ósýi boldy. Búgingi tańda Qazaqstanda 600-den astam sottalýshynyń terrorızmge qatysy bar. Onyń 98% ózderin «salafıt» dep sanaıdy. Sottalǵandardyń qalǵan 2-3 paıyzy «Hızbýt-Tahrır», «Kestgı Jamaǵat», «Ómir. Senim. Bilim» (Qazaqstanda zańmen tyıym salynǵan uıymdar)», - delingen Mádenıet jáne sport mınıstrligi jarııalanǵan retteýshilik saıasattyń konsýltatıvtik qujatynda.
Bul máseleniń sheshimi retinde vedomstvo psıhıkalyq turǵydan álsiz sanattaǵy balalar arasynda, onyń ishinde sport sektsııalarynda dinı ekstremızmge qarsy aqparattyq-túsindirý jumystaryn údete túsýdi usynady.
«Dinı ekstremızm qoǵamdyq qaýipsizdikke úlken qaýip tóndiredi. Oǵan negizinen jastar qatysady. Sport uıymdarynda jasy 7-den 18 jasqa deıingi qurama komandalar úshin sporttyq rezerv daıyndalyp jatyr. Bul jasta psıhıka áli de turaqsyz jáne syrttan ońaı áser etedi. Sonymen qatar, balalar men jasóspirimder sportqa negizinen áleýmettik osal toptardan keledi. Sondyqtan, dene shynyqtyrý jáne sport salasyndaǵy ýákiletti organǵa, jergilikti atqarýshy organdarǵa dinı ekstremızmniń aqparattyq-túsindirý jumystaryn jáne profılaktıkasyn júrgizý, sondaı-aq akkredıttelgen sport federatsııalaryna dinı ekstremızmniń aldyn alý jóninde sharalar qabyldaý asa mańyzdy», - dep másseleniń sheshimin kórsetken mınıstrlik.
