Elimizde 563,1 myń múgedek adamdar bar - G.Ábdiqalyqova
TANA. 24 qazan. QazAqparat /Qanat Mámetqazyuly/ - 2011 jyldyń 1 qazanyndaǵy málimet boıynsha elimizde 563,1 myń múgedek adam bar, bul jalpy halyqtyń 3,4 paıyzy.
Onyń ishinde 58 myńy múgedek balalar bolyp otyr. Búgin QR Parlament Májilisinde múmkindigi shekteýli azamattardyń quqyqtaryn qamtamasyz etý máselesine arnalǵan Úkimet saǵatynda QR Eńbek jáne halyqty áleýmettik qorǵaý mınıstri Gúlshara Ábdiqalyqova osylaı málim etti.
Mınıstrdiń málimetine qaraǵanda, eresek azamattardyń alǵash ret múgedektigi tanylýy boıynsha syrqattardyń qurylymy sońǵy jyldary ózgermeı keledi. Bul rette birinshi orynda qan aınalymy júıesiniń aýrýlary - 22 paıyz, ekinshi orynda qaterli isik - 17 paıyz, úshinshi orynda túrli jaraqattar - 13,7 paıyzdy qurap otyr. Al múgedek balalar arasynda birinshi orynda týa bitken aýrýlardan paıda bolatyn múgedektik - 34,6 paıyzdy quraıdy.
«Qazirgi tańda múgedektiktiń jasarý úrdisi de baıqalyp otyr. 2011 jyldyń 9 aıynda elimizde 35,7 myń adam alǵash ret múgedek retinde tanylsa, onyń 75 paıyzy - eńbekke jaramdylar, 19,4 paıyzy - balalar», - dedi G.Ábdiqalyqova.
