Elimizde 530 myń azamat baspana kezeginde tur
NUR-SULTAN. QazAqparat - Bıyl 4 835 kóp balaly otbasy turǵyn úımen qamtamasyz etiledi. Bul týraly QR IIDM Qurylys jáne turǵyn úı kommýnaldyq sharýashylyq ister komıtetiniń tóraǵasy Marhabat Jaıymbetov aıtty, dep habarlaıdy QazAqparat tilshisi.
«Búgingi kúni 530 myńnan astam azamat turǵyn úı kezeginde tur. Kórsetilip jatqan qoldaýdyń ashyqtyǵyn qamtamasyz etý úshin osy jyly Kezekte turǵandardyń biryńǵaı respýblıkalyq bazasy iske qosyldy. Osy baza memlekettik organdardyń aqparattyq júıelerimen ıntegratsııalanǵan jáne onda turǵyn úıge muqtaj azamattar men kezekte turǵandar boıynsha anyq málimetter bar», - dedi komıtet tóraǵasy Ortalyq kommýnıkatsııalar qyzmetindegi baspasóz máslıhatynda.
Sonymen qatar ol Elbasynyń jáne Memleket basshysynyń tapsyrmasy boıynsha birinshi kezekte kóp balaly otbasylar satyp alý quqyǵynsyz jalǵa beriletin turǵyn úımen qamtamasyz etiletindigin aıtty.
«Baǵdarlama iske asyrylǵan kezeń ishinde 30 myń otbasyna turǵyn úı berýdi kózdep otyrmyz. Onyń ishinde bıyl 4 835 otbasy turǵyn úımen qamtamasyz etiletin bolady», - dedi Marhabat Jaıymbetov.
