Elimizde 51 myńnan astam esirtki, psıhotroptyq jáne toksıkologııalyq zattardy paıdalanýshylar tirkelgen
ASTANA. Qyrkúıektiń 7-si. QazAqparat /Marlan Jıembaı/ - Aǵymdaǵy jylǵy shildeniń 1-indegi jaǵdaıǵa sáıkes, Qazaqstanda 51 366 esirtki, psıhotroptyq jáne toksıkologııalyq zattardy paıdalanýshylar tirkelgen. Bul týraly búgin elordada QR ІІM Esirtki bıznesine qarsy kúres komıtetiniń tóraǵasy Janat Súleımenov málim etti.
«Esirtki zattaryn paıdalanýshylardyń sany 2009 jylmen salystyrǵanda 5 myń adamǵa deıin azaıdy. Al jastar arasynda 30 jasqa deıin esepte turǵandar 53,8 paıyzdy quraıdy. Olardyń sany ótken jylmen salystyrǵanda 6,7 paıyzǵa tómen», dedi komıtet tóraǵasy.
Sonymen qatar J.Súleımenov esepte turǵan áıelder men kámelettik jasqa tolmaǵan jasóspirimder sanynyń tómendeýi baıqalyp otyrǵandyǵyn atap ótti.
