Elimizde 500-den astam bosqyn bar
NUR-SULTAN. QazAqparat - Qazaqstanda búgingi kúni 523 bosqyn bar. Bul týraly QR Eńbek jáne áleýmettik qorǵaý mınıstri Birjan Nurymbetov málim etti, dep habarlaıdy QazAqparat tilshisi.
«Qazaqstanda bosqyndarǵa qatysty zań 2011 jyly qabyldandy jáne búginde osy máselemen Іshki ister mınıstrligi aınalysady. Statıstıkaǵa kelsek, búgingi kúni elimizde 523 bosqyn bar, onyń 509-y Aýǵanstannan kelgen. Qalǵany basqa elderden kelgen. Halyqaralyq konventsııaǵa sáıkes, memleketke kelgende olardyń jaǵdaıy arnaıy komıssııa otyrysynda qaralyp, sodan soń bosqyn kýáligi beriledi. Sondaı-aq, bizdiń elde olarǵa memleketter arasynda júrip turýy úshin kóliktik qujat beriledi. Qazirgi ýaqytta bosqyndardyń elder arasynda kedergisiz júrip turýy úshin atalǵan qujatty elektrondy túrde berýdi kózdep otyrmyz. Onda sonymen qatar bosqynǵa qatysty bıometrııalyq derekter bolady», - dedi B. Nurymbetov.
Buǵan deıin habarlaǵanymyzdaı, mınıstr qazaqstandyqtardyń qaı elderge jıi qonys aýdaratyny týraly aıtyp berdi.
