Elimizde 5 jeltoqsanda ótetin mańyzdy sharalarǵa sholý

NUR-SULTAN

Saǵat 10.00-de Parlament Senatynyń kezekti otyrysy bastalady.

Saǵat 10.00-de Hilton Garden Inn qonaq úıinde EO-nyń Ortalyq Azııa boıynsha jańa strategııasyna sáıkes, EO men Ortalyq Azııa yntymaqtastyǵyn nyǵaıtý aıasynda «Nur-Sultannan hat» jobasynyń tusaýkeseri ótedi.

Saǵat 10.00-de «Marrıot» qonaq úıinde Qazaqstan Respýblıkasy Eńbek jáne halyqty áleýmettik qorǵaý mınıstrligi Halyqaralyq kóshi-qon uıymymen birlesip «Qazaqstandaǵy kóshi-qon: máseleler, tendentsııalar, perspektıvalar» taqyrybynda respýblıkalyq dóńgelek ústel ótkizedi.

Saǵat 10.00-de L.N.Gýmılev atyndaǵy Eýrazııa ulttyq ýnıversıtetinde Memleket jáne qoǵam qaıratkeri, Qazaqstannyń halyq jazýshysy, Eńbek Eri Ábish Kekilbaevtyń 80 jyldyq mereıtoıyna arnalǵan «Ábish Kekilbaev jáne Uly dala rýhanııaty» atty halyqaralyq ǵylymı-teorııalyq konferentsııa ótedi.

Saǵat 10.00-de Nur-Sultan qalasyndaǵy «Qazaqstannyń turǵyn úı qurylys jınaq banki» AQ ortalyq fılıaly uıymdastyrǵan baspasóz týry bastalady.

Saǵat 12.20-da QR Prezıdenti janyndaǵy Ortalyq kommýnıkatsııalar qyzmetiniń alańynda Qostanaı oblysynyń 2019 jyldyń sońǵy 10 aıdaǵy áleýmettik-ekonomıkalyq damý qorytyndylaryna arnalǵan baspasóz konferentsııasy ótedi. Spıker: Qostanaı oblysynyń ákimi Arhımed Muhambetov.

Saǵat 14.00-de EKSPO-da quramyna 132 birdeı qoǵamdyq ekologııalyq uıym kiretin «Qazaqstannyń ekologııalyq uıymdarynyń qaýymdastyǵy» ZTB músheleriniń jyl saıynǵy otyrysy bastalady.

Saǵat 15.00-de Senatta Qazaqstan Respýblıkasy Parlamenti Senaty janyndaǵy zań shyǵarý protsesin jetildirý jónindegi keńestiń otyrysy ótedi.

Saǵat 16.20-da QR Prezıdenti janyndaǵy Ortalyq kommýnıkatsııalar qyzmetiniń alańynda Kıokýshınkaı karateden áıelder jáne erler arasynda salmaq dárejeleri boıynsha KWU Álem Chempıonatyn uıymdastyrýǵa arnalǵan baspasóz konferentsııasy ótedi.

Saǵat 17.00-de Elbasy kitaphanasynyń mýzeıinde «Týǵan ólkem» balalar shyǵarmashylyǵy men qosymsha bilim berý uıymdaryn qoldaý boıynsha respýblıkalyq baǵdarlamanyń laýreattaryn marapattaý rásimi men qorytyndy kórmeniń ashylýy ótedi.

ALMATY

Saǵat 16.00-de Á.Qasteev atyndaǵy Memlekettik óner murajaıynda qazaqstandyq akvarel sheberi - eńbek sińirgen óner qaıratkeri, mádenıet jáne beıneleý óneri salasyndaǵy syılyqtyń laýreaty Úke Ájıevtiń mereıtoılyq kórmesi ashylady.

Saǵat 18.30-da Almatydaǵy Rotarı-klýbtaǵy Interkontınental qonaq úıinde Oljas Súleımenov «Nevada-Semeı jáne planetanyń jandanýy» taqyrybynda sóz sóıleıdi.

Saǵat 19.00-de Bekmambetov atyndaǵy Globýs kınoteatrynda Ádilhan Erjanovtyń «Atbaı kúres» jańa fılminiń alǵashqy qazaqstandyq kórsetilimi bolady. Fılmniń álemdik premerasy osy jyldyń qazan aıynda 35-shi Varshava halyqaralyq kınofestıvalinde ótken.