Elimizde 5-shi ret «Mektep súti» baǵdarlamasy iske sátti asyp otyr
ALMATY. Qyrkúıektiń 1-i. QazAqparat /Ádilet Musahaev/ - Elimizde 5-shi ret «Mektep súti» baǵdarlamasy iske asyp otyr. 2005 jyly bastalǵan atalmysh baǵdarlama búgingi tańda Astana, Almaty, Pavlodar, Shymkent jáne batys óńirlerde júzege asyrylýda, dep habarlaıdy QazAqparat.
Munyń negizgi maqsaty - óskeleń urpaqtyń densaýlyǵyn jaqsartý jáne oqýshylardyń boıynda durys tamaqtanýǵa degen sanaly oı-pikir qalyptastyrý. Ata-analardyń, qalalyq jáne oblystyq bıýdjettiń qarjylaı qoldaýymen iske asyrylatyn baǵdarlama balalardy dárýmender men mıkroelementterge baı, taza qaýipsiz ári dámdi sútpen qamtamasyz etedi. Yńǵaıly qorapshalardaǵy ýltrapasterlengen sút oqýshylarǵa "sút úzilisi" nemese túski as kezinde beriledi.
2007 jyly professor ıÝrıı Sınıavskıı men Qazaqstan tamaqtaný akademııasynyń bir top ǵalymdary "Mektep súti" baǵdarlamasyna qatysqan balalardyń dene salmaǵy óskenin baıqaǵan, bul balanyń jalpy damýynyń úılesimdi túrde óskenin baıqatady deıdi ǵalymdar.
Álemniń kóptegen elderinde 40 jyldan astam ýaqytta júrgizilip kelgen atalmysh baǵdarlama elimizdiń sút odaǵynyń bastamasymen iske asyp otyr.
